ದಿಲ್ಲಿಯಲ್ಲಿ ಇಂದಿನಿಂದ ಎರಡು ದಿನಗಳ ಅಂತಾರಾಷ್ಟ್ರೀಯ ಯೋಗ ಉತ್ಸವ

ಹೊಸದಿಲ್ಲಿ : ರಾಷ್ಟ್ರ ರಾಜಧಾನಿ ದಿಲ್ಲಿಯಲ್ಲಿ  ಎರಡು ದಿನಗಳ ಅಂತಾರಾಷ್ಟ್ರೀಯ ಯೋಗ ಉತ್ಸವ ಇಂದು ಬುಧವಾರ ಆರಂಭಗೊಂಡಿದೆ.

ಈ ಯೋಗ ಉತ್ಸವದಲ್ಲಿ 3,500 ಮಂದಿ ಭಾಗಿಯಾಗುತ್ತಿದ್ದಾರೆ. ಯೋಗ ಗುರುಗಳು, ಯೋಗ ಮಾಸ್ಟರ್‌ಗಳು, ಪಂಡಿತರು, ನೀತಿ ನಿರೂಪಕರು ಮತ್ತು ಪ್ರತಿನಿಧಿಗಳು ಸೇರಿದಂತೆ 15ರಿಂದ 18 ದೇಶಗಳ ಯೋಗೋತ್ಸಾಹಿಗಳು ಈ ಉತ್ಸವದಲ್ಲಿ ಪಾಲ್ಗೊಳ್ಳುತ್ತಿರುವುದು ವಿಶೇಷವಾಗಿದೆ.

ಯೋಗ ಪುಸ್ತಕಗಳ ಸುಮಾರು 50 ಸ್ಟಾಲ್‌ಗ‌ಳು ಈ ಉತ್ಸವದ ಪ್ರಮುಖ ಆಕರ್ಷಣೆ ಎನಿಸಿವೆ. ಯೋಗಕ್ಕೆ ಸಂಬಂಧಿಸಿದ ಸಿಡಿ, ಡಿವಿಡಿ, ಯೋಗ ಉಪಕರಣಗಳು, ಹಾಗೂ ಇನ್ನೂ ಹಲವು ಬಗೆಯ ಯೋಗ ಪರಿಕರಗಳು ಈ ಉತ್ಸವದಲ್ಲಿ ಯೋಗೋತ್ಸಾಹಿಗಳಿಗೆ ಉಪಲಬ್ಧವಿವೆ. 

ಇಬ್ಬರು ಪ್ರಮುಖ ಯೋಗ ಗುರುಗಳಾದ ಸ್ವಾಮಿ ವೇದ ಭಾರತಿ ಮತ್ತು ಟಿ ಕೆ ವಿ ದೇಶಿಕಾಚಾರ್‌ ಅವರ ಬದುಕು ಮತ್ತು ಕಾಣಿಕೆಗಳನ್ನು ಕುರಿತಂತೆ ಅರ್ಧ ದಿನದ ವಿಚಾರ ಸಂಕಿರಣ ನಡೆಯಲಿದೆ.