ಮಡಿಕೇರಿ: ಅರಣ್ಯ ಸಿಬಂದಿ ವಿರುದ್ಧ ತಿರುಗಿ ಬಿದ್ದ ಗಜಹಿಂಡು

ಮಡಿಕೇರಿ: ಸಿದ್ದಾಪುರ ಗ್ರಾ.ಪಂ.ನ ಕರಡಿಗೋಡು ಗ್ರಾಮದಲ್ಲಿ ಎರಡು ಪುಂಡಾನೆಗಳ ಸೆರೆಗೆ ಅರಣ್ಯ ಇಲಾಖೆ ಕಾರ್ಯಾಚರಣೆ ಆರಂಭಿಸಿದೆ. ಕಾಡಾನೆಗಳ ಜಾಡು ಸಿಕ್ಕಿದ್ದು, ಸೆರೆ ಹಿಡಿಯುವ ಪ್ರಯತ್ನ ಮುಂದುವರಿದಿದೆ.

ಮಂಗಳವಾರ ಬೆಳಗ್ಗೆ ಕಾಡಾನೆಗಳ ಸೆರೆಗೆ ಪ್ರಯತ್ನಿಸುತ್ತಿದ್ದಾಗ ಸುಮಾರು 7 ಕಾಡಾನೆಗಳ ಹಿಂಡಿನಲ್ಲಿದ್ದ 3 ಕಾಡಾನೆಗಳು ಏಕಾಏಕಿ ಅರಣ್ಯ ಸಿಬಂದಿ ಮೇಲೆ ತಿರುಗಿ ಬಿದ್ದಾಗ ಆತಂಕ ಸೃಷ್ಟಿಯಾಯಿತು. ಸಿಬಂದಿ ಓಡಿ ಪಾರಾದರು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.