ಅಸ್ಸಾಂ: ಮೂಢನಂಬಿಕೆ ಹೋಗಲಾಡಿಸಲು ಖಡ್ಗಮೃಗಗಳ 2,479 ಕೊಂಬುಗಳ ದಹನ

ಬೊಕಾಖಾತ್‌: ಅಸ್ಸಾಂ ಸರ್ಕಾರದ ವಶದಲ್ಲಿದ್ದ 2,479 ಖಡ್ಗಮೃಗ ಕೊಂಬುಗಳನ್ನು ಬುಧವಾರ ಸಾರ್ವಜನಿಕರ ಮುಂದೆ ದಹನ ಮಾಡಲಾಗಿದೆ. ಅಂತಾರಾಷ್ಟ್ರೀಯ ಖಡ್ಗಮೃಗಗಳ ದಿನಾಚರಣೆಯಂದೇ ಈ ದಹನ ಕ್ರಿಯೆ ಕೈಗೊಳ್ಳಲಾಗಿತ್ತು. ಇದು ಜಗತ್ತಿನ ಅತ್ಯಂತ ದೊಡ್ಡ ಪ್ರಮಾಣದ ಸಂಗ್ರಹವಾಗಿತ್ತು ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ:ಅರ್ಚಕರಿಗೆ, ದೇಗುಲ ನೌಕಕರಿಗೆ ಆರೋಗ್ಯ ವಿಮೆ ಜಾರಿಗೆ ಶೀಘ್ರ ಕ್ರಮ: ಶಶಿಕಲಾ ಜೊಲ್ಲೆ

ಖಡ್ಗಮೃಗಗಳ ಕೊಂಬುಗಳು ಔಷಧಿಗೆ ಬಳಕೆಯಾಗುತ್ತವೆ ಎಂಬ ಮೂಢನಂಬಿಕೆಯನ್ನು ನಿವಾರಣೆ ಮಾಡಲು ಪ್ರಯತ್ನಿಸಲಾಗಿದೆ ಎಂದು ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ತಿಳಿಸಿದ್ದಾರೆ.

“ಖಡ್ಗಮೃಗಗಳ ಘನತೆಯೇ ಅದರ ಮುಖದ ಮೇಲಿರುವ ಕೊಂಬು. ಆ ಕೊಂಬಿಗೂ ಅಲ್ಲಿದ್ದರೇನೇ ಬೆಲೆ. ಆ ಮೃಗದಿಂದ ಬೇರ್ಪಟ್ಟ ಕೊಂಬಿಗೆ ಯಾವುದೇ ಬೆಲೆಯಿಲ್ಲ. ಕೊಂಬು ಗಳನ್ನು ಸುಡುವ ಮೂಲಕ ಆ ಕೊಂಬುಗಳು ಯಾವುದಕ್ಕೂ ಉಪಯೋಗವಿಲ್ಲ ಎಂಬ ಸಂದೇಶವನ್ನು ಖಡ್ಗಮೃಗಗಳನ್ನು ಬೇಟೆಯಾಡುವರಿಗೆ ಹಾಗೂ ಅವುಗಳ ಕೊಂಬುಗಳನ್ನು ದಾಸ್ತಾನು ಮಾಡುವವರಿಗೆ ರವಾನಿಸಿದ್ದೇವೆ’ ಎಂದು ತಿಳಿಸಿದ್ದಾರೆ.