ಜೂನ್‌ನಲ್ಲಿ ಹಣದುಬ್ಬರ ಪ್ರಮಾಣ ಇಳಿಕೆ

ನವದೆಹಲಿ: ಸಗಟು ಮಾರುಕಟ್ಟೆ ಆಧಾರಿತ ಹಣದುಬ್ಬರ ಪ್ರಮಾಣ ಜೂನ್‌ನಲ್ಲಿ ಶೇ.15.18ಕ್ಕೆ ಇಳಿಕೆಯಾಗಿದೆ. ಮೂರು ತಿಂಗಳಿಗೆ ಹೋಲಿಕೆ ಮಾಡಿದರೆ ಇದು ಗರಿಷ್ಠ ಇಳಿಕೆಯಾಗಿದೆ.

ಖನಿಜ ವಸ್ತುಗಳ ಬೆಲೆಗಳಲ್ಲಿ ಇಳಿಕೆಯಾಗಿರುವುದರಿಂದ ಈ ಬೆಳವಣಿಗೆಯಾಗಿದೆ. ಆದರೆ, ಆಹಾರ ವಸ್ತುಗಳ ಬೆಲೆಗಳು ತಗ್ಗಿಲ್ಲ. ಕಳೆದ ತಿಂಗಳು ಕೂಡ ಸತತ 15ನೇ ಬಾರಿಗೆ ಸಗಟು ಮಾರಾಟ ದರ ಆಧಾರಿತ ಎರಡಂಕಿಗಳಲ್ಲಿಯೇ ಮುಂದುವರಿದಿತ್ತು.

2021ರ ಜೂನ್‌ನಲ್ಲಿ ಶೇ.12.07 ಹಣದುಬ್ಬರ ದರವಿತ್ತು.  ತೈಲ, ಇಂಧನ ಕ್ಷೇತ್ರದಲ್ಲಿ ಶೇ.40.38 ಹಣದುಬ್ಬರ ದಾಖಲಾಗಿದೆ.