inflation ಮೈನಸ್‌ನಲ್ಲೇ ಉಳಿದ ಸಗಟು ಹಣದುಬ್ಬರ

ಹೊಸದಿಲ್ಲಿ: ಸತತ 4ನೇ ತಿಂಗಳು ಕೂಡ ಸಗಟು ದರ ಸೂಚ್ಯಂಕ ಹಣದುಬ್ಬರ ಮೈನಸ್‌ನಲ್ಲೇ ಮುಂದುವರಿದಿದ್ದು, ಜುಲೈ ತಿಂಗಳಲ್ಲಿ ಇದು ಶೇ.-1.36 ಆಗಿತ್ತು ಎಂದು ಸರಕಾರದ ಅಂಕಿಅಂಶ ಹೇಳಿದೆ.

ಜೂನ್‌ ತಿಂಗಳಲ್ಲಿ ಇದು ಶೇ.-4.12 ಆಗಿತ್ತು. ಕಳೆದ ವರ್ಷದ ಜುಲೈಯಲ್ಲಿ ಇದು ಶೇ.14.07 ಆಗಿತ್ತು. ಈ ನಡುವೆ ಭಾರತದ ರಫ್ತು ಪ್ರಮಾಣ ಜುಲೈಯಲ್ಲಿ ಶೇ.15.88ರಷ್ಟು ಕುಸಿತಗೊಂಡಿದ್ದು, 32.25 ಶತಕೋಟಿ ಡಾಲರ್‌ಗೆ ತಲುಪಿದೆ. ಜಾಗತಿಕವಾಗಿ ಬೇಡಿಕೆ ತಗ್ಗಿರುವುದು, ಪೆಟ್ರೋಲಿಯಂ, ಆಭರಣಗಳ ಶಿಪ್‌ಮೆಂಟ್‌ ಕಡಿಮೆಯಾಗಿರುವುದು ಇದಕ್ಕೆ ಕಾರಣ. ಇದೇ ವೇಳೆ ಆಮದು ಪ್ರಮಾಣವೂ ಶೇ.17ರಷ್ಟು ಇಳಿಕೆಯಾಗಿ 52.92 ಶತಕೋಟಿ ಡಾಲರ್‌ಗೆ ತಲುಪಿದೆ.