Suraj Revanna ಎಲ್ಲೇ ಹೋದ್ರೂ ಕಿತಾಪತಿ ಮಾಡಿ ಬರ್ತಾರೆ: ಶ್ರೇಯಸ್‌ ಪಟೇಲ್‌

ಹಾಸನ: ಎಂಎಲ್ಸಿ ಡಾ.ಸೂರಜ್‌ ರೇವಣ್ಣ ತಾತನ ಹೆಸರಿನಿಂದ ಗೆದ್ದಿರೋದು, ಎಂಎಲ್‌ಸಿಯಾಗಿ ಅವರ ಸಾಧನೆ ಏನು ಎಂಬ ಬಗ್ಗೆ ಪಟ್ಟಿ ಬಿಡುಗಡೆ ಮಾಡಲಿ ಎಂದು ಸಂಸದ ಶ್ರೇಯಸ್‌ ಪಟೇಲ್‌ ತಿರುಗೇಟು ನೀಡಿದರು.

ಪಡುವಲಹಿಪ್ಪೆಯಲ್ಲಿ ನಡೆದ ತಮ್ಮ ಜನ್ಮದಿನದ ಕಾರ್ಯಕ್ರಮದಲ್ಲಿ ಡಾ.ಸೂರಜ್‌ ರೇವಣ್ಣ ಕಾಂಗ್ರೆಸ್‌ ಹಾಗೂ ಶ್ರೇಯಸ್‌ ವಿರುದ್ಧದ ಹೇಳಿಕೆಗೆ ಪ್ರತಿಕ್ರಿಯಿಸಿದ ಅವರು, ನಾನು ಜಿಪಂ ಸದಸ್ಯನಾಗಿ, ರಾಜಕೀಯವಾಗಿ ಬೆಳೆದು ಸಂಸದ ಆಗಿದ್ದೀನಿ. ಏಕಾಏಕಿ ಕುಟುಂಬದ ಹೆಸರಿನಲ್ಲಿ ಜನಪ್ರತಿನಿಧಿಯಾಗಿರುವ ಉದ್ಭವಮೂರ್ತಿಯಲ್ಲ, ಆದರೆ ವಾಸ್ತವವಾಗಿ ಸೂರಜ್‌ ಏನು ಅಂತ ಎಲ್ಲರಿಗೂ ಗೊತ್ತು. ಪೆನ್‌ಡ್ರೆçವ್‌ ವಿಚಾರ ನಾನು ಮಾತನಾಡಲ್ಲ. ಎಷ್ಟೋ ಹೆಣ್ಣು ಮಕ್ಕಳ ಜೀವನ ಹಾಳಾಗಿದೆ.

ವಿಡಿಯೋದಲ್ಲಿದ್ದವರು ಆತ್ಮಾವಲೋಕನ ಮಾಡಿಕೊಳ್ಳಲಿ. ಜನ ಎಲ್ಲ ನೋಡುತ್ತಿದ್ದಾರೆ. ಎಲ್ಲೇ ಹೋದರೂ ಕಿತಾಪತಿ ಮಾಡಿ ಬರೋದೆ ಸೂರಜ್‌ ಕೆಲಸ ಎಂದು ಟಾಂಗ್‌ ನೀಡಿದರು.