ವಾಗ್ಶಾ ಪ್ರಾಂಶುಪಾಲರಿಗೆ ವಿಶಿಷ್ಟ ಸಾಧನ ಪ್ರಶಸ್ತಿ

ಉಡುಪಿ: ಇಂಡಿಯನ್‌ ಫೆಡರೇಶನ್‌ ಆಫ್ ಕಲಿನರಿ ಅಸೋಸಿಯೇಶನ್‌ (ಐಎಫ್ಸಿಎ) ವರ್ಲ್ಡ್ ಅಸೋಸಿಯೇಶನ್‌ ಆಫ್ ಚೆಪ್ಸ್ ಸೊಸೈಟೀಸ್‌ (ಡಬ್ಯುಎಸಿಎಸ್‌) ಸಹಯೋಗದಲ್ಲಿ ಹೊಸದಿಲ್ಲಿಯಲ್ಲಿ ನಡೆದ 8ನೇ ಐಎಫ್ಸಿಎ ಅಂತಾರಾಷ್ಟ್ರೀಯ ಪಾಕತಜ್ಞರ ಸಮಾವೇಶದಲ್ಲಿ ಮಣಿಪಾಲ ಮಾಹೆಯ ವೆಲ್‌ಕಮ್‌ ಗ್ರೂಪ್‌ ಗ್ರಾಜುವೇಟ್‌ ಸ್ಕೂಲ್‌ ಆಫ್ ಹೊಟೇಲ್‌ ಅಡ್ಮಿನಿಸ್ಟ್ರೇಶನ್‌ (ವಾಗ್ಶಾ) ಪ್ರಾಂಶುಪಾಲ ಕೆ. ತಿರುಜ್ಞಾನ ಸಂಬಾಂತಮ್‌ “ತಿರು’ ವಿಶಿಷ್ಟ ಸಾಧನ ಪ್ರಶಸ್ತಿ ಸ್ವೀಕರಿಸಿದರು.

ತಿರು ಅವರಿಗೆ ಇದು ಸತತ ಮೂರನೇ ವರ್ಷದ ಪ್ರಶಸ್ತಿ. 2017-18ರಲ್ಲಿ ತೆಲಂಗಾಣ ಪ್ರವಾಸೋದ್ಯಮ ವಿಭಾಗದಿಂದ ಕಲಿನರಿ ಎಜುಕೇಟರ್‌ ಪ್ರಶಸ್ತಿಯನ್ನು, 2016-17ರಲ್ಲಿ ಇಂಡಿಯನ್‌ ಫೆಡರೇಶನ್‌ ಆಫ್ ಕಲಿನರಿ ಅಸೋಸಿಯೇಶನ್‌ನಿಂದ ಬೆಸ್ಟ್‌ ಕಲಿನರಿ ಎಜುಕೇಟರ್‌ ಪ್ರಶಸ್ತಿಯನ್ನು ಪಡೆದಿದ್ದರು. ಅಮೆರಿಕದ ಕೃಷಿ ಇಲಾಖೆಯಿಂದ 2016ರಲ್ಲಿ ಪಾಕಶಾಸ್ತ್ರ ಕಲೆಗಾಗಿ ಖೋಖ್ರನ್‌ ಫೆಲೋಶಿಪ್‌ ಪ್ರಶಸ್ತಿ  ಪಡೆದಿದ್ದರು.