Advertisement

ಪರ್ಥ್ ಟೆಸ್ಟ್‌ : ವೆಸ್ಟ್‌ ವಿಂಡೀಸ್‌ ಗೆಲುವಿಗೆ ಕಠಿಣ ಗುರಿ

08:34 PM Dec 03, 2022 | Team Udayavani |

ಪರ್ಥ್: ಪರ್ಥ್ ಟೆಸ್ಟ್‌ ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್‌ 498 ರನ್ನುಗಳ ಗೆಲುವಿನ ಗುರಿ ಪಡೆದಿದ್ದು, ಹೋರಾಟವೊಂದನ್ನು ಜಾರಿಯಲ್ಲಿರಿಸಿದೆ.

Advertisement

ನಾಯಕ ಕ್ರೆಗ್‌ ಬ್ರಾತ್‌ವೇಟ್‌ ಅವರ ಅಜೇಯ ಶತಕ ಸಾಹಸದಿಂದ 3 ವಿಕೆಟಿಗೆ 192 ರನ್‌ ಗಳಿಸಿದೆ. ಭಾನುವಾರ ಪಂದ್ಯದ ಅಂತಿಮ ದಿನವಾಗಿದ್ದು, ಕೆರಿಬಿಯನ್‌ ಪಡೆ ಕೆಲವು ವಿಕೆಟ್‌ಗಳನ್ನಾದರೂ ಉಳಿಸಿಕೊಂಡು ಪಂದ್ಯವನ್ನು ಡ್ರಾ ಮಾಡಿಕೊಂಡೀತೇ ಎಂಬುದೊಂದು ಕುತೂಹಲ.

ಕ್ರೆಗ್‌ ಬ್ರಾತ್‌ವೇಟ್‌ 101 ರನ್‌ ಮಾಡಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ. ತೇಜ್‌ನಾರಾಯಣ್‌ ಚಂದರ್‌ಪಾಲ್‌ 45 ರನ್‌ ಮಾಡಿದರು. ಈ ಜೋಡಿಯಿಂದ ಮೊದಲ ವಿಕೆಟಿಗೆ 116 ರನ್‌ ಒಟ್ಟುಗೂಡಿತು. 315 ರನ್‌ ಲೀಡ್‌ ಪಡೆದರೂ ಫಾಲೋಆನ್‌ ಹೇರದೆ ಬ್ಯಾಟಿಂಗ್‌ ಮುಂದುವರಿಸಿದ ಕಾಂಗರೂ ಬಳಗ 2 ವಿಕೆಟಿಗೆ 182 ರನ್‌ ಪೇರಿಸಿ ಡಿಕ್ಲೇರ್‌ ಮಾಡಿತು. ಮಾರ್ನಸ್‌ ಲಬುಶೇನ್‌ 104 ರನ್‌ ಬಾರಿಸಿ ಸತತ 2ನೇ ಶತಕ ಸಂಭ್ರಮವನ್ನಾಚರಿಸಿದರು. ಮೊದಲ ಇನಿಂಗ್ಸ್‌ನಲ್ಲಿ ಅವರು 204 ರನ್‌ ಬಾರಿಸಿದ್ದರು.

ಸಂಕ್ಷಿಪ್ತ ಸ್ಕೋರ್‌: ಆಸ್ಟ್ರೇಲಿಯ-4 ವಿಕೆಟಿಗೆ 598 ಡಿಕ್ಲೇರ್‌ ಮತ್ತು 2 ವಿಕೆಟಿಗೆ 182 ಡಿಕ್ಲೇರ್‌. ವೆಸ್ಟ್‌ ಇಂಡೀಸ್‌-283 ಮತ್ತು 3 ವಿಕೆಟಿಗೆ 192.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next