ಗಂಗಾ ಸಾಗರ್‌ ಉತ್ಸವ: ಪ.ಬಂಗಾಲ ಸರಕಾರದಿಂದ ವೆಬ್‌ ಸೈಟ್‌

ಕೋಲ್ಕತ : ಮುಂಬರುವ ಗಂಗಾ ಸಾಗರ್‌ ಉತ್ಸವದ ವೇಳೆ ಜಮಾವಣೆಗೊಳ್ಳುವ ಜನಸಾಗರದ ನಡುವೆ ಆಕಸ್ಮಿಕವಾಗಿ ತಮ್ಮ ಕುಟುಂಬದವರಿದಂದ ಬೇರ್ಪಡುವವರನ್ನು ಮತ್ತೆ ಅವರ ಮನೆಯವರೊಂದಿಗೆ ಸೇರಿಸುವ ಪ್ರಯತ್ನದ ಅಂಗವಾಗಿ ವಿಶಿಷ್ಟ  ವೆಬ್‌ ಸೈಟ್‌ ಒಂದನ್ನು ವಿನ್ಯಾಸಗೊಳಿಸಲು ಪಶ್ಚಿಮ ಬಂಗಾಲ ಸರಕಾರ ಸಾರ್ವಜನಿಕ ಸೇವಾ ಸಂಸ್ಥೆಯೊಂದಿಗೆ ಕೈಜೋಡಿಸಿದೆ. 

ಈ ಪ್ರಸ್ತಾವಿತ ವೆಬ್‌ ಸೈಟನ್ನು ಪಶ್ಚಿಮ ಬಂಗಾಲ ಸರಕಾರದ ಪ್ರಕೋಪ ನಿರ್ವಹಣ ಇಲಾಖೆ, ರಾಜ್ಯ ಪೊಲೀಸ್‌ ದಳ, ರಾಜ್ಯದ ಇಂಟರ್‌ ಏಜನ್ಸಿ ಸಮೂಹ (ಐಎಜಿ) ಮತ್ತು ನ್ಯಾಶನಲ್‌ ಇನ್‌ಸ್ಟಿಟ್ಯೂಟ್‌ ಆಫ್ ಅಮೆಚೂರ್‌ ರೇಡಿಯೋ (ಎನ್‌ಐಎಆರ್‌ –  ಹೈದರಾಬಾದ್‌ ಮೂಲದ 1983ರಲ್ಲಿ ನೋಂದಾವಣೆಗೊಂಡಿದ್ದ ಸರಕಾರೇತರ ಸೇವಾ ಸಂಘಟನೆ) ಸೇರಿಕೊಂಡು ವಿನ್ಯಾಸಗೊಳಿಸುತ್ತಿವೆ ಎಂದು ಸರಕಾರಿ ಮೂಲಗಳು ತಿಳಿಸಿವೆ.