ಜಲಮಾರ್ಗ: ಪಾಕ್‌ಗೆ ಭಾರತ ಟಾಂಗ್‌ 

ಹೊಸದಿಲ್ಲಿ: ಅಫ್ಘಾನಿಸ್ತಾನದೊಂದಿಗೆ ಮುಕ್ತ ವ್ಯಾಪಾರ ಹಾಗೂ ಸುಗಮ ಸಂಚಾರಕ್ಕೆ ಅನುಕೂಲವಾಗುವಂತೆ ಜಲಮಾರ್ಗವನ್ನು ಮುಂದಿನ ದಿನಗಳಲ್ಲಿ ಹೆಚ್ಚಾಗಿ ಅವಲಂಬಿಸಲು ಸಜ್ಜಾಗಿರುವ ಭಾರತ, ಆ ನಿಟ್ಟಿನಲ್ಲಿ ಇರಾನ್‌ ಸರ್ಕಾರದ ಜತೆಗೆ ಮಾತುಕತೆ ನಡೆಸುತ್ತಿದೆ. 

ಭೂ ಮಾರ್ಗದ ಮೂಲಕ ಭಾರತ, ಅಫ್ಘಾನಿಸ್ತಾನಕ್ಕೆ ನೇರವಾಗಿ ಹೋಗಲು ಮಧ್ಯೆ ಪಾಕಿಸ್ತಾನ ಅಡ್ಡ ಬರುವುದರಿಂದ, ಪಾಕಿಸ್ತಾನದ ದಕ್ಷಿಣ ಭಾರತದಲ್ಲಿ ವರ್ತುಲ ಜಲಮಾರ್ಗದ ಮೂಲಕ ಆಫ್ಘಾನಿಸ್ತಾನದೊಂದಿಗೆ ವ್ಯವಹರಿಸಲು ಭಾರತ ಮುಂದಡಿಯಿಟ್ಟಿದೆ. ಅಂದಹಾಗೆ, ಜಲಮಾರ್ಗದ ಮೂಲಕ ಭಾರತದ ಸರಕುಗಳು ಆಫ‌^ನ್‌ಗೆ ನೇರವಾಗಿ ಹೋಗಲು ಸಾಧ್ಯವಿಲ್ಲ. ಮೊದಲು ಇರಾನ್‌ನ ಚಬಾಹರ್‌ ಬಂದರಿ ನವರೆಗೂ ಸಾಗಿ, ಅಲ್ಲಿಗೆ ಹತ್ತಿರವಿರುವ ಆಫ‌^ನ್‌ ಗಡಿಯೊಳಗೆ ಭಾರತದ ಸರಕುಗಳನ್ನು ಕಳುಹಿಸಬೇಕಿದೆ. ಹಾಗಾಗಿ, ಇರಾನ್‌ ಜತೆ ಮಾತುಕತೆ ನಡೆಸುತ್ತಿರುವ ಭಾರತ, ಚಬಾಹರ್‌ ಬಂದರಿನಲ್ಲಿ ತನಗೆ ವ್ಯಾಪಾರ ಅನುಕೂಲತೆ ಕಲ್ಪಿಸಲು 500 ಮಿಲಿಯನ್‌ ಡಾಲರ್‌ ನೆರವು ನೀಡುವುದಾಗಿ ಹೇಳಿದೆ.