Waqf; ಬಿಜೆಪಿಯವರು ಎರಡು ಬಣ ಮಾಡಿಕೊಂಡು ಬೀದಿ ಬೀದಿ ಅಲೆಯುತ್ತಿದ್ದಾರೆ: ತಂಗಡಗಿ

ಕೊಪ್ಪಳ: ವಕ್ಫ್  ವಿಚಾರದಲ್ಲಿ ಬಿಜೆಪಿಯದ್ದು ನಾಟಕ ಕಂಪೆನಿಯಾಗಿದೆ. ಅವರು ಎರಡು ಬಣ ಮಾಡಿಕೊಂಡು ಬೀದಿ ಬೀದಿ ಅಲೆಯುತ್ತಿದ್ದಾರೆ ಎಂದು ಹಿಂದುಳಿದ ವರ್ಗಗಳ ಖಾತೆ ಸಚಿವ ಶಿವರಾಜ್‌ ತಂಗಡಗಿ ಲೇವಡಿ ಮಾಡಿದರು.

ವಕ್ಫ್ ವಿಚಾರದಲ್ಲಿ ಬಿಜೆಪಿಯಲ್ಲೇ ಎರಡು ಬಣ ಆಗಿವೆ. ಅವರು ತಂಡ ಮಾಡಿ ಹೊರಟಿದ್ದಾರೆ. ಅದನ್ನು ಬಿಟ್ಟು ಮೊದಲು ಸದನದಲ್ಲಿ ಚರ್ಚೆ ಮಾಡಲು ಬರಲಿ. ಬಿಜೆಪಿ ಅವಧಿಯಲ್ಲಿಯೇ ಹೆಚ್ಚು ನೋಟಿಸ್‌ ನೀಡಿದ್ದಾರೆ. ಅದರ ಬಗ್ಗೆ ಬಿಜೆಪಿಯವರು ಏಕೆ ಮಾತನಾಡುತ್ತಿಲ್ಲ. ಆಗ ಹೊಟ್ಟೆಗೆ ಇವರೇನು ತಿನ್ನುತ್ತಿದ್ದರು? ಎಂದು ಪ್ರಶ್ನಿಸಿದರು. ಬಿಜೆಪಿಯವರಿಗೆ ರೈತರ ಬಗ್ಗೆ ಯಾವುದೇ ಕಾಳಜಿ ಇಲ್ಲ. ಯಾವುದೇ ಅಧಿವೇಶನದಲ್ಲಿ ರೈತರ ಬಗ್ಗೆ ಚರ್ಚೆ ಮಾಡಿಲ್ಲ ಎಂದರು.