ಮತದಾನ ಜಾಗೃತಿ ಜ್ಯೋತಿ ಬೈಕ್‌ ರ್ಯಾಲಿ

ಲಕ್ಷ್ಮೇಶ್ವರ: ಪುರಸಭೆ, ತಾಲೂಕು ಯುವಜನ ಸೇವೆ ಮತ್ತು ಕ್ರೀಡಾ ಇಲಾಖೆ ಸಹಯೋಗದಲ್ಲಿ ಶನಿವಾರ ಪಟ್ಟಣದಲ್ಲಿ ಮತದಾನ ಜಾಗೃತಿ ಜ್ಯೋತಿ ಬೈಕ್‌ ರ್ಯಾಲಿ ನಡೆಯಿತು.

ಮುಖ್ಯಾಧಿ ಕಾರಿ ರವೀಂದ್ರ ಬಾಗಲಕೋಟ ಮತದಾನ ಜ್ಯೋತಿ ಸಂಚಾರಕ್ಕೆ ಚಾಲನೆ ನೀಡಿದರು. ಬಳಿಕ ಮಾತನಾಡಿದ ಅವರು, ಮತದಾರರು ಪ್ರಾಮಾಣಿಕ, ನ್ಯಾಯಸಮ್ಮತ, ನಿಷ್ಪಕ್ಷಪಾತವಾಗಿ ಮತದಾನ ಮಾಡಬೇಕು. ಇದು ಪ್ರತಿಯೊಬ್ಬ ನಾಗರಿಕನ ಕರ್ತವ್ಯವಾಗಿದೆ. ಪವಿತ್ರ ಮತದಾನದಿಂದ ಸುಭದ್ರ ಪ್ರಜಾಪ್ರಭುತ್ವ ರಾಷ್ಟ್ರ ನಿರ್ಮಾಣ ಸಾಧ್ಯ ಎಂದರು.

ತಾಲೂಕು ಯುವಜನ ಸೇವೆ ಮತ್ತು ಕ್ರೀಡಾ ಇಲಾಖೆಯ ಎಂ.ಡಿ. ತಳ್ಳಳ್ಳಿ ಈ ಕುರಿತು ಮಾಹಿತಿ ನೀಡಿದರು. ಚಾಲನೆ ಗೊಂಡ ಕ್ರೀಡಾಜ್ಯೋತಿ ಬೈಕ್‌ ರ್ಯಾಲಿ ರಾಮಗೇರಿ, ಗೋವನಾಳ, ಶಿಗ್ಲಿ, ದೊದ್ಡೊರ, ಸೂರಣಗಿ, ಬಾಲೆಹೊಸೂರ ಮತ್ತಿತರರ ಗ್ರಾಮಗಳಲ್ಲಿ ಸಂಚರಿಸಿತು.

ಪುರಸಭೆ ಅಧಿಕಾರಿಗಳಾದ ಎನ್‌.ಎಂ. ಹಾದಿಮನಿ, ಎಂ.ಎಸ್‌. ಬೆಂತೂರ, ರವಿ ನಾಯಕ, ಮಂಜುನಾಥ ಮುದಗಲ್‌, ಪಿಡಿಒ ಸಿ.ಆರ್‌. ಕಾರಬಾರಿ, ಪಟ್ಟಣದ ಚಿರನೂತನ ಯುವಕ ಸಂಘಟನೆ ಕಾರ್ಯಕರ್ತರು, ಪುರಸಭೆ ಸಿಬ್ಬಂದಿ ಇದ್ದರು.