Advertisement

ನೆಟ್ಟಿಗರ ಮನಗೆದ್ದ ‘ಚಹಾ ಐಸ್ ಕ್ರೀಮ್’: ವೈರಲ್ ವಿಡಿಯೋ

02:29 PM Nov 07, 2022 | Team Udayavani |

ಐಸ್ ಕ್ರೀಮ್ ಸಾಮಾನ್ಯವಾಗಿ ಹಲವರ ಮೆಚ್ಚಿನ ಆಹಾರ ಪದಾರ್ಥವಾಗಿದೆ. ಇತ್ತೀಚಿನ ದಿನಗಳಲ್ಲಿ ಐಸ್ ಕ್ರೀಮ್ ಗಳು ವಿವಿಧ ರುಚಿಗಳಲ್ಲಿ ಬರುತ್ತಿವೆ. ಅತ್ಯಂತ ಕುತೂಹಲಕಾರಿಯಾಗಿ, ಮಾರುಕಟ್ಟೆಯಲ್ಲಿ ವಿವಿಧ ಹಣ್ಣಿನ ಸಂಯೋಜನೆಯೊಂದಿಗೆ ಮಾತ್ರವಲ್ಲದೆ ಮದ್ಯಯುಕ್ತ ಐಸ್ ಕ್ರೀಮ್ ರೋಲ್‌ಗಳು ಬಂದಿದ್ದು ಇದಕ್ಕೆ ಪೂರಕವಾಗಿ ಮತ್ತೊಂದು ಕುತೂಹಲಕಾರಿ ಹಾಗೂ ವಿಲಕ್ಷಣವಾದ ಐಸ್ ಕ್ರೀಂ ಕಾಂಬಿನೇಷನ್ ಇದೀಗ ಐಸ್ ಕ್ರೀಂ ಪ್ರಿಯರ ಮನಸ್ಸನ್ನು ಗೆದ್ದಿದೆ.

Advertisement

ಭಾರತದಲ್ಲಿ ಚಹಾ ಅಥವಾ ಸಾಮಾನ್ಯವಾಗಿ ‘ಚಾಯ್’ ಹೆಚ್ಚು ಸೇವಿಸುವ ಪಾನೀಯವಾಗಿದೆ. ಹಲವು ರೀತಿಯ ಸುವಾಸನೆಗಳಿರುವ ‘ಚಾಯ್ ಐಸ್ ಕ್ರೀಮ್’ ಹೇಗಿರುತ್ತದೆ ಎನ್ನುವ ಕುತೂಹಲ ಎಲ್ಲರಲ್ಲೂ ಈ ವಿಡಿಯೋ ಮೂಡಿಸಿದೆ.

ಮಿ _ನಶಿಕ್ಕರ್_ ಎಂಬ ಹೆಸರಿನ ಫೇಸ್‌ಬುಕ್ ಬಳಕೆದಾರರು ವಿಡಿಯೋವನ್ನು ಪೋಸ್ಟ್ ಮಾಡಿದ್ದು , ಇದರಲ್ಲಿ ಮಾರಾಟಗಾರನು ಐಸ್ ಪ್ಯಾನ್‌ಗೆ ಬಿಸಿ ಚಹಾ, ಹಾಲು ಮತ್ತು ಚಾಕೊಲೇಟ್ ಸಿರಪನ್ನು ಸುರಿಯುವ ಮೂಲಕ ‘ಚಾಯ್ ಐಸ್‌ಕ್ರೀಮ್’ ಅನ್ನು ತಯಾರಿಸುತ್ತಿರುವುದನ್ನು ಕಾಣಬಹುದಾಗಿದೆ.

ಮಾರಾಟಗಾರ ಮೊದಲು ಬಿಸಿ ಚಹಾವನ್ನು ಸುರಿದು ನಂತರ ಚಾಕೊಲೇಟ್ ಸಿರಪ್ ಅನ್ನು ಸುರಿದು ಮಿಶ್ರಣವನ್ನು ಮಾಡಿ ಐಸ್ ಪ್ಯಾನ್‌ನಿಂದ ಮಿಶ್ರಣವನ್ನು ಕೆರೆದು ಐಸ್ ಕ್ರೀಮ್ ರೋಲ್ ಅನ್ನು ರಚಿಸುತ್ತಾನೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next