ಕಳ್ಳತನದ ಬಳಿಕ ಕುಣಿದು ಕುಪ್ಪಳಿಸಿದ ಕಳ್ಳ: ವಿಡಿಯೋ ವೈರಲ್

ಮಧ್ಯಪ್ರದೇಶದಲ್ಲಿ ಕಳ್ಳನೊಬ್ಬ ಕಳ್ಳತನದ ಬಳಿಕ ಕುಣಿದು ಕುಪ್ಪಳಿಸಿ ಸಂಭ್ರಮಿಸಿದ ವಿಶಿಷ್ಟ ಘಟನೆಯೊಂದು ಬೆಳಕಿಗೆ ಬಂದಿದ್ದು ವಿಡಿಯೋ ವೈರಲ್ ಆಗಿದೆ. ದುರದೃಷ್ಟವಶಾತ್, ಅಂಗಡಿಯೊಳಗೆ ಯಾರೂ ಇಲ್ಲದಿದ್ದಾಗ ನಡೆದ ಕೃತ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಕಳ್ಳನು ತನ್ನ ಕದ್ದ ಸಂಭ್ರವನ್ನು ಆಚರಿಸಲು ನೃತ್ಯ ಮಾಡಿ ಸಂಭ್ರಮಿಸಿದ್ದಾನೆ.

ಮಧ್ಯಪ್ರದೇಶದಲ್ಲಿ ತಮಾಷೆಯ ಈ ಘಟನೆ ನಡೆದಿದ್ದು ಬಳಕೆದಾರರು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿರುವ ಸಿಸಿಟಿವಿ ವಿಡಿಯೋ ತುಣುಕಿನಲ್ಲಿ, ಕಳ್ಳ ಅಂಗಡಿಗೆ ನುಗ್ಗಿದ ನಂತರ ಡ್ಯಾನ್ಸ್ ಮತ್ತು ಗುಟ್ಖಾ ಜಗಿಯುವುದನ್ನು ಕಾಣಬಹುದು. ಆ ರಾತ್ರಿ ಕಳ್ಳ ಎರಡು ಅಂಗಡಿಗಳನ್ನು ದರೋಡೆ ಮಾಡಿದ್ದ ಎನ್ನುವುದು ತಿಳಿದು ಬಂದಿದೆ.

ನೃತ್ಯ ಮಾಡಿದ ನಂತರ, ಕಳ್ಳನು ಲ್ಯಾಪ್‌ಟಾಪ್ ಮತ್ತು ಅಂಗಡಿಯಿಂದ ಸ್ವಲ್ಪ ಹಣವನ್ನು ಜೊತೆಗೆ ಖಾತೆಗಳ ಪ್ರತಿಯನ್ನು ತೆಗೆದುಕೊಳ್ಳುತ್ತಾನೆ. ಇಡೀ ಘಟನೆ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ಸಂಬಂಧ ಖಣಿಯಾಧಾನ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಡ್ಯಾನ್ಸರ್ ಕಳ್ಳನಿಗಾಗಿ ಹುಡುಕಾಟ ಆರಂಭಿಸಿದ್ದಾರೆ. ಕಳ್ಳನು ಸಿಸಿಟಿವಿಯನ್ನು ಗಮನಿಸಿದ್ದರಿಂದ, ಅವನು ಹೊರಡುವ ಮೊದಲು ಎಲ್ಲಾ ಕ್ಯಾಮೆರಾಗಳನ್ನು ಒಡೆದು ಹಾಕಿದ್ದು, ಆದರೆ ಆ ಸಮಯದವರೆಗೆ, ಕ್ಯಾಮೆರಾದಲ್ಲಿ ಸಾಕಷ್ಟು ಸಾಕ್ಷ್ಯಗಳು ಸೆರೆಹಿಡಿಯಲ್ಪಟ್ಟಿವೆ.