Advertisement

ಥಿಯೇಟರ್ ಗೆ ಎಂಟ್ರಿಕೊಟ್ಟ ‘ವಿಕ್ರಾಂತ್ ರೋಣ’

10:19 AM Jul 28, 2022 | Team Udayavani |

ನಟ ಕಿಚ್ಚ ಸುದೀಪ್‌ ಅಭಿಮಾನಿಗಳು ಬಹು ಕಾತುರದಿಂದ ಕಾಯುತ್ತಿದ್ದ, ಬಹುನಿರೀಕ್ಷಿತ ಪ್ಯಾನ್‌ ಇಂಡಿಯಾ ಸಿನಿಮಾ “ವಿಕ್ರಾಂತ್‌ ರೋಣ’ ಇಂದು ದೇಶ-ವಿದೇಶಗಳಲ್ಲಿ ತೆರೆ ಕಾಣುತ್ತಿದೆ. ಸೆಟ್ಟೇರಿದಾಗಿನಿಂದಲೂ ತನ್ನ ಟೈಟಲ್‌, ಫ‌ಸ್ಟ್‌ಲುಕ್‌, ಟೀಸರ್‌, ಹಾಡುಗಳು ಮತ್ತು ಟ್ರೇಲರ್‌ ಮೂಲಕ ಸಿನಿಪ್ರಿಯರ ಗಮನ ಸೆಳೆಯಲು ಯಶಸ್ವಿಯಾಗಿರುವ “ವಿಕ್ರಾಂತ್‌ ರೋಣ’ ತೆರೆಮೇಲೆ ಹೇಗಿರಲಿದ್ದಾನೆ ಅನ್ನೋ ಕುತೂಹಲಕ್ಕೆ ಇಂದು ತೆರೆ ಬೀಳಲಿದೆ. ಸದ್ಯ ಸೌಥ್‌ನಿಂದ ನಾರ್ತ್‌ವರೆಗೂ ಸೌಂಡ್‌ ಮಾಡುತ್ತಿರುವ “ವಿಕ್ರಾಂತ್‌ ರೋಣ’ನ ವಿಶೇಷತೆಗಳ ಬಗ್ಗೆ ಒಂದಷ್ಟು ಹೈಲೈಟ್ಸ್‌ ಇಲ್ಲಿದೆ…

Advertisement

ಮತ್ತೂಂದು ಪ್ಯಾನ್‌ ಇಂಡಿಯಾ ಸಿನಿಮಾ

ಈ ವರ್ಷದ ಆರಂಭದಿಂದಲೂ ಕನ್ನಡದ ಪ್ಯಾನ್‌ ಇಂಡಿಯಾ ಸಿನಿಮಾಗಳು ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿವೆ. ಈಗ ಈ ಅಬ್ಬರದ ಸರದಿ “ವಿಕ್ರಾಂತ್‌ ರೋಣ’ ಸಿನಿಮಾದ್ದು. ಕನ್ನಡದ ಜೊತೆಗೆ, ತಮಿಳು, ತೆಲುಗು, ಮಲೆಯಾಳಂ, ಹಿಂದಿ ಹೀಗೆ ವಿವಿಧ ಭಾಷೆಗಳಲ್ಲಿ “ವಿಕ್ರಾಂತ್‌ ರೋಣ’ ಏಕಕಾಲಕ್ಕೆ ಆಯಾಯ ರಾಜ್ಯಗಳಲ್ಲಿ ತೆರೆ ಕಾಣುತ್ತಿದೆ. ಎಲ್ಲ ಭಾಷೆಗಳ ಸಿನಿಮಂದಿಯ ಚಿತ್ತ “ವಿಕ್ರಾಂತ್‌ ರೋಣ’ನತ್ತ ನೆಟ್ಟಿದೆ.

ಕಿಚ್ಚನ ಸಿನಿಮಾಕ್ಕೆ ಸಲ್ಮಾನ್‌ ಖಾನ್‌ ಸಾಥ್‌

ಇನ್ನು “ವಿಕ್ರಾಂತ್‌ ರೋಣ’ ಸಿನಿಮಾದ ಹಿಂದಿ ಅವತರಣಿಕೆಗೆ ಬಾಲಿವುಡ್‌ ನಟ ಕಂ ನಿರ್ಮಾಪಕ ಸಲ್ಮಾನ್‌ ಖಾನ್‌ ಸಾಥ್‌ ನೀಡುತ್ತಿದ್ದಾರೆ. ಈಗಾಗಲೇ “ವಿಕ್ರಾಂತ್‌ ರೋಣ’ ಸಿನಿಮಾದ ಟೀಸರ್‌, ಟ್ರೇಲರ್‌ ಮೆಚ್ಚಿಕೊಂಡಿರುವ ಸಲ್ಮಾನ್‌ ಖಾನ್‌, ಹಿಂದಿಯಲ್ಲಿ “ವಿಕ್ರಾಂತ್‌ ರೋಣ’ ಸಿನಿಮಾವನ್ನು, ತಮ್ಮ “ಸಲ್ಮಾನ್‌ ಖಾನ್‌ ಫಿಲಂಸ್‌’ ಬ್ಯಾನರ್‌ನಲ್ಲಿ ಅರ್ಪಿಸುತ್ತಿದ್ದಾರೆ.

Advertisement

ಮಸ್ತ್ ಸ್ಟೆಪ್ಸ್‌ನಲ್ಲಿ ಕಿಕ್ಕೇರಿಸಿದ ರಕ್ಕಮ್ಮ ಜಾಕ್ವೆಲೀನ್‌

ಬಾಲಿವುಡ್‌ನ‌ ಹಾಟ್‌ ಆ್ಯಂಡ್‌ ಗ್ಲಾಮರಸ್‌ ಬೆಡಗಿ, ನಟಿ ಜಾಕ್ವೆಲೀನ್‌ ಫ‌ರ್ನಾಂಡಿಸ್‌ “ವಿಕ್ರಾಂತ್‌ ರೋಣ’ ಸಿನಿಮಾದಲ್ಲಿ ತೆರೆಮೇಲೆ ಬೋಲ್ಡ್‌ ಆ್ಯಂಡ್‌ ಬ್ಯುಟಿಫ‌ುಲ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಜಾಕ್ವೆಲಿನ್‌ ಮಸ್ತ್ ಸ್ಟೆಪ್ಸ್‌ ಹಾಕಿರುವ “ರ.. ರ… ರಕ್ಕಮ್ಮ’ ಹಾಡು ದೊಡ್ಡ ಮಟ್ಟದಲ್ಲಿ ಹಿಟ್‌ ಆಗಿದ್ದು, ಸೋಶಿಯಲ್‌ ಮೀಡಿಯಾದಲ್ಲಿ ಜೋರಾಗಿ ಸೌಂಡ್‌ ಮಾಡುತ್ತಿದೆ.

ಕಿಚ್ಚನ ಸಸ್ಪೆನ್ಸ್‌-ಥ್ರಿಲ್ಲರ್‌ ಶೈಲಿಯ ಸಿನಿಮಾ

ಇಲ್ಲಿಯವರೆಗೆ ಲವ್‌, ಆ್ಯಕ್ಷನ್‌, ಸೆಂಟಿಮೆಂಟ್‌, ಫ್ಯಾಮಿಲಿ ಎಂಟರ್‌ ಟೈನ್ಮೆಂಟ್‌ ಸಿನಿಮಾಗಳಲ್ಲೇ ಹೆಚ್ಚಾಗಿ ಕಾಣಿಸಿಕೊಂಡಿದ್ದ ನಟ ಕಿಚ್ಚ ಸುದೀಪ್‌, ಇದೇ ಮೊದಲ ಬಾರಿಗೆ ಔಟ್‌ ಆ್ಯಂಡ್‌ ಔಟ್‌ ಸಸ್ಪೆನ್ಸ್‌-ಥ್ರಿಲ್ಲರ್‌, ಫ್ಯಾಂಟಸಿ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಸುದೀಪ್‌ ಲುಕ್‌ ಮತ್ತು ಪಾತ್ರ ಸಿನಿಪ್ರಿಯರ ಗಮನ ಸೆಳೆಯುತ್ತಿದ್ದು, ಸಹಜವಾಗಿಯೇ “ವಿಕ್ರಾಂತ್‌ ರೋಣ’ನ ಮೇಲೆ ನಿರೀಕ್ಷೆ ದುಪ್ಪಟ್ಟಾಗಿದೆ.

ದುಬೈನಲ್ಲಿ ಅದ್ಧೂರಿ ಪ್ರೀಮಿಯರ್‌

ಬಿಡುಗಡೆಗೂ ಮುನ್ನ ಭರ್ಜರಿಯಾಗಿ “ವಿಕ್ರಾಂತ ರೋಣ’ ಸಿನಿಮಾದ ಪ್ರಚಾರ ಕಾರ್ಯಗಳನ್ನು ನಡೆಸಿರುವ ಚಿತ್ರತಂಡ, ದೇಶ-ವಿದೇಶಗಳಲ್ಲೂ ಸಿನಿ ಪ್ರಿಯರ ಗಮನ ಸೆಳೆಯಲು ಯಶಸ್ವಿಯಾಗಿದೆ. ಇತ್ತೀಚೆಗೆ ದುಬೈ ಸೇರಿದಂತೆ ಹಲವೆಡೆ ಅದ್ಧೂರಿಯಾಗಿ “ವಿಕ್ರಾಂತ್‌ ರೋಣ’ನ ಪ್ರೀಮಿಯರ್‌ ಶೋ ನಡೆ ದಿದ್ದು, ನಿರೀಕ್ಷೆಗೂ ಮೀರಿದ ಪ್ರತಿ ಕ್ರಿಯೆ ಸಿಕ್ಕಿದ ಖುಷಿಯಲ್ಲಿದೆ ಚಿತ್ರತಂಡ

ರಾಜ್ಯದ 400ಕ್ಕೂ ಅಧಿಕ ಸ್ಕ್ರೀನ್ಸ್‌ನಲ್ಲಿ ತೆರೆಗೆ

ಕರ್ನಾಟಕ ರಾಜ್ಯದಾದ್ಯಂತ ಸುಮಾರು 400ಕ್ಕೂ ಹೆಚ್ಚು ಸ್ಕ್ರೀನ್‌ಗಳಲ್ಲಿ “ವಿಕ್ರಾಂತ್‌ ರೋಣ’ನನ್ನು ತೆರೆಗೆ ತರಲು ಚಿತ್ರತಂಡ ಯೋಜನೆ ಹಾಕಿಕೊಂಡಿದೆ. ರಾಜ್ಯದ ಬಹುತೇಕ ಎಲ್ಲ ಜಿಲ್ಲಾ ಕೇಂದ್ರಗಳು ಮತ್ತು ತಾಲೂಕು ಕೇಂದ್ರಗಳಲ್ಲಿರುವ ಪ್ರಮುಖ ಚಿತ್ರಮಂದಿರಗಳಲ್ಲಿ “ವಿಕ್ರಾಂತ್‌ ರೋಣ’ನ ಬೃಹತ್‌ ಕಟೌಟ್ಸ್‌ ರಾರಾಜಿಸುತ್ತಿದ್ದು, ಇಂದಿನಿಂದ ಕಿಚ್ಚನ ಅಭಿಮಾನಿಗಳಿಗೆ “ವಿಕ್ರಾಂತ್‌ ರೋಣ’ನ ದರ್ಶನವಾಗಲಿದೆ.

3ಡಿ ಮತ್ತು 2ಡಿ ಎರಡರಲ್ಲೂ ರಿಲೀಸ್‌

“ವಿಕ್ರಾಂತ್‌ ರೋಣ’  ಸಸ್ಪೆನ್ಸ್‌-ಥ್ರಿಲ್ಲರ್‌, ಫ್ಯಾಂಟಸಿ ಸಿನಿಮಾವಾಗಿದ್ದು ಸಿನಿಮಾದ ತಾಂತ್ರಿಕ ಕಾರ್ಯಗಳು ಸಿನಿಮಾದ ದೊಡ್ಡ ಹೈಲೈಟ್ಸ್‌. ಸಿನಿಮಾದ ಕಲರಿಂಗ್‌, ಸೌಂಡ್‌ ಡಿಸೈನ್ಸ್‌, ವಿಎಫ್ ಎಕ್ಸ್‌ನಂತಹ ಕಾರ್ಯಗಳಿಗೆ ಚಿತ್ರ ಸಾಕಷ್ಟು ಸಮಯ ತೆಗೆದುಕೊಂಡಿದೆ. ಇನ್ನು “ವಿಕ್ರಾಂತ್‌ ರೋಣ’ 3ಡಿ ಮತ್ತು 2ಡಿ ಎರಡೂ ವರ್ಶನ್‌ನಲ್ಲೂ ರೆಡಿಯಾಗಿದ್ದು, ಲಭ್ಯವಿರುವ ಚಿತ್ರಮಂದಿರಗಳಲ್ಲಿ 3ಡಿ, ಉಳಿದೆಡೆ 2ಡಿಯಲ್ಲಿ ಬಿಡುಗಡೆಯಾಗಲಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next