ಕಂಚು ಎತ್ತಿದ ವಿಕಾಸ್‌ ಠಾಕೂರ್‌

ಗೋಲ್ಡ್‌ಕೋಸ್ಟ್‌: ಪುರುಷರ 94 ಕೆಜಿ ವಿಭಾಗದಲ್ಲಿ ವಿಕಾಸ್‌ ಠಾಕೂರ್‌ ತೃತೀಯ ಸ್ಥಾನಿಯಾಗಿ ಕಂಚಿನ ಪದಕ ಒಲಿಸಿಕೊಂಡರು. 24ರ ಹರೆಯದ, ಲುಧಿಯಾನದವರಾದ ಠಾಕೂರ್‌ ಅವರಿಗೆ ಇದು ಸತತ 2ನೇ ಗೇಮ್ಸ್‌ ಪದಕವಾಗಿದೆ. 2014ರ ಗ್ಲಾಸೊYà ಗೇಮ್ಸ್‌ನ 85 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಅವರು ಬೆಳ್ಳಿಯೊಂದಿಗೆ ಮಿನುಗಿದ್ದರು. 6 ತಿಂಗಳ ಹಿಂದೆ ನಡೆದ ಕಾಮನ್ವೆಲ್ತ್‌ ಚಾಂಪಿಯನ್‌ಶಿಪ್‌ನಲ್ಲೂ ಕಂಚಿನ ಪದಕ ಒಲಿದಿತ್ತು.

ರವಿವಾರದ ಸ್ಪರ್ಧೆಯಲ್ಲಿ ವಿಕಾಸ್‌ ಠಾಕೂರ್‌ ಒಟ್ಟು 351 ಕೆಜಿ ಭಾರ ಎತ್ತುವಲ್ಲಿ ಯಶಸ್ವಿಯಾದರು (159+192). ಪಪುವಾ ನ್ಯೂ ಗಿನಿಯ ಸ್ಟೀವನ್‌ ಕರಿ 370 ಕೆಜಿ ಭಾರದೊಂದಿಗೆ ಚಿನ್ನದ ಪದಕ ಗೆದ್ದರು (154+216). ಕಳೆದ ಗ್ಲಾಸೊYà ಗೇಮ್ಸ್‌ನಲ್ಲೂ ಕರಿ ಚಿನ್ನ ಜಯಿಸಿದ್ದರು. ಬೆಳ್ಳಿ ಪದಕ ಕೆನಡಾದ ಸಾಂಟೆವಿ ಪಾಲಾಯಿತು. ಅವರು 369 ಕೆಜಿ ಭಾರವೆತ್ತಿದರು.