ಲಂಡನ್‌ ಬಂಗಲೆ ಬಿಡಿ ಉದ್ಯಮಿ ವಿಜಯ ಮಲ್ಯಗೆ ಲಂಡನ್‌ ಹೈಕೋರ್ಟ್‌ ತಾಕೀತು

ಲಂಡನ್‌: ಉದ್ಯಮಿ ವಿಜಯ ಮಲ್ಯ ಅವರು ಲಂಡನ್‌ನಲ್ಲಿ ವಾಸವಾಗಿರುವ ಅದ್ಧೂರಿ ಬಂಗಲೆ ತೆರವುಗೊಳಿಸುವಂತೆ ಲಂಡನ್‌ ಹೈಕೋರ್ಟ್‌ ಮಂಗಳವಾರ ಆದೇಶಿಸಿದೆ. ಅದನ್ನು ಸ್ವಿಜರ್ಲೆಂಡ್‌ನ‌ ಯುಎಸ್‌ಬಿ ಬ್ಯಾಂಕ್‌ನ ಸುಪರ್ದಿಗೆ ಒಪ್ಪಿಸಬೇಕೆಂದೂ ಸೂಚಿಸಿದೆ.

ನ್ಯಾಯಾಲಯದಲ್ಲಿ ನಡೆಯುತ್ತಿದ್ದ ಹಣಕಾಸು ಅಕ್ರಮ ಪ್ರಕರಣವೊಂದರ ವಿಚಾರಣೆ ಕಳೆದ ವಾರ ಅಂತ್ಯಗೊಂಡಿತ್ತು.

ತೀರ್ಪಿನ ಅನ್ವಯ, ತಮ್ಮ ಕುಟುಂಬದೊಂದಿಗೆ ಲಂಡನ್‌ನ ನಿವಾಸದಲ್ಲಿ ವಾಸವಾಗಿರುವ ಮಲ್ಯ ಅವರು ಅನಿವಾರ್ಯವಾಗಿ ತಮ್ಮ ಬಹುಕೋಟಿ ರೂಪಾಯಿ ಮೌಲ್ಯದ ಐಶಾರಾಮಿ ನಿವಾಸವನ್ನು ತೊರೆಯಬೇಕಾಗಿದೆ.

ಉದ್ಯಮಿ ವಿಜಯ ಮಲ್ಯ ಎಸ್‌ಬಿಐ ನೇತೃತ್ವದ ಬ್ಯಾಂಕ್‌ಗಳಿಗೆ 9 ಸಾವಿರ ಕೋಟಿ ರೂ. ಮೊತ್ತ ಪಾವತಿ ಮಾಡಬೇಕಾಗಿದೆ.