ವಿದ್ಯಾ ವಿನಾಯಕ ಕುಡ್ಲಕ್ಕೆ ಎಂಟ್ರಿ!

ಕೋಸ್ಟಲ್‌ವುಡ್‌ನ‌ಲ್ಲಿ ‘ಮೈ ನೇಮ್‌ ಈಸ್‌ ಅಣ್ಣಪ್ಪ’ ತಂಡವೇ ಇನ್ನೊಂದು ಸಿನೆಮಾ ಮಾಡಲು ತಯಾರಿ ನಡೆಸಿದೆ. ಇದರಲ್ಲಿ ಕಿರುತೆರೆಯ ಖ್ಯಾತ ಕಲಾವಿದ, ಮೂಲತಃ ಮೂಡಬಿದಿರೆಯ ದಿಲೀಪ್‌ ಆರ್‌. ಶೆಟ್ಟಿ ಮಿಂಚಲಿದ್ದಾರೆ. ಆಳ್ವಾಸ್‌ ಕಾಲೇಜಿನಲ್ಲಿ ಶಿಕ್ಷಣ ಮುಗಿಸಿದ ಬಳಿಕ ಮಾಡೆಲಿಂಗ್‌ ಲೋಕದಲ್ಲೂ ಕಾಣಿಸಿಕೊಂಡವರು ದಿಲೀಪ್‌. ಖಾಸಗಿ ವಾಹಿನಿಯಲ್ಲಿ ಈಗಾಗಲೇ ಪ್ರದರ್ಶನವಾಗುತ್ತಿರುವ ‘ವಿದ್ಯಾ ವಿನಾಯಕ’ ಧಾರವಾಹಿಯಲ್ಲಿ ಕಾಣಿಸಿಕೊಳ್ಳುತ್ತಿರುವ ದಿಲೀಪ್‌ ಈಗ ತುಳು ಸಿನೆಮಾದಲ್ಲೂ ಮಿಂಚಲಿದ್ದಾರೆ. 2015ರ ಮಿ| ದುಬಯಿ ಗೆದ್ದಿರುವ ದಿಲೀಪ್‌ ವಿದೇಶದಲ್ಲಿ ಉದ್ಯೋಗದಲ್ಲಿದ್ದಾರೆ. ಸೀರಿಯಲ್‌ ಶೂಟಿಂಗ್‌ಗಾಗಿ ಬೆಂಗಳೂರಿಗೆ ಬರುತ್ತಿರುತ್ತಾರೆ. ಮುಂದೆ ತುಳು ಸಿನೆಮಾದಲ್ಲಿ ಅವರು ಕಾಣಿಸಲಿದ್ದಾರೆ ಎಂಬುದು ಸದ್ಯದ ಸಂಗತಿ.

ಇನ್ನೂ ಟೈಟಲ್‌ ಫಿಕ್ಸ್‌ ಆಗದ ಲಕುಮಿ ಸಿನಿ ಕ್ರಿಯೇಷನ್ಸ್‌ ತಂಡದ 5ನೇ  ಸಿನೆಮಾವಾಗಿ ಇದು ಸೆಟ್ಟೇರಲಿದೆ. ರೋಹನ್‌ ಶೆಟ್ಟಿ, ರವಿ ರೈ ಕಳಸ, ಮಹೇಶ್‌ ಶೆಟ್ಟಿ, ಮೇಘರಾಜ್‌ ಅವರು ನಿರ್ಮಾಪಕರಾಗಿರುವ ಈ ಸಿನೆಮಾಕ್ಕೆ ಮಯೂರ್‌ ಆರ್‌. ಶೆಟ್ಟಿ ಆ್ಯಕ್ಷನ್‌ ಕಟ್‌ ಹೇಳಲಿದ್ದಾರೆ. ಮಂಜು ರೈ ಮೂಳೂರು ಮುಖ್ಯ ಭೂಮಿಕೆಯಲ್ಲಿ ಇದೇ ಸಿನೆಮಾದಲ್ಲಿ ಕಾಣಿಸಲಿದ್ದಾರೆ. ಉಳಿದಂತೆ ನವೀನ್‌ ಡಿ. ಪಡೀಲ್‌, ಅರವಿಂದ ಬೋಳಾರ್‌, ಸಾಯಿಕೃಷ್ಣ, ಉಮೇಶ್‌ ಮಿಜಾರ್‌ ಚಿತ್ರದಲ್ಲಿದ್ದಾರೆ.