Advertisement
ಬಸ್‌ ನಿಲ್ದಾಣವೇಣೂರು ಪೇಟೆ ಕಿರಿದು. ರಾಜ್ಯ ಹೆದ್ದಾರಿಗೆ ತಾಗಿಕೊಂಡ ಪಂಚಾಯತ್‌ ಕಟ್ಟಡ ಬಳಿಯ ಬರೆಯನ್ನು ಸಮತಟ್ಟುಗೊಳಿಸಿದರೆ ಜಂಕ್ಷನ್‌ ಸ್ವಲ್ಪ ವಿಸ್ತರಣೆಯಾಗಬಲ್ಲದು. ಒಂದು ಕಿ.ಮೀ. ಅಂತರದ ವೇಣೂರು ಕೆಳಗಿನ ಪೇಟೆ (ಶ್ರೀರಾಮ ನಗರ) ಹಾಗೂ ಮೇಲಿನ ಪೇಟೆ (ಮಹಾವೀರ ನಗರ) ಇದೆ. ಆದರೆ ಪೇಟೆಯ ಅಲ್ಲಲ್ಲಿ ಬಸ್‌ ತಂಗುದಾಣಗಳಿವೆ.
ವೇಣೂರು ಬಂಟ್ವಾಳ ಕ್ರಾಸ್‌ ಜಂಕ್ಷನ್‌ ಎರಡು ತಾಲೂಕಿಗೆ ಸಂಪರ್ಕಿಸುವ ಸಂಪರ್ಕ ಕೊಂಡಿ. ಆರಂಬೋಡಿ, ಗುಂಡೂರಿ, ಬಜಿರೆ, ಪೆರಿಂಜೆ, ಕರಿಮಣೇಲು, ಅಂಡಿಂಜೆ, ನಿಟ್ಟಡೆ, ಕುಕ್ಕೇಡಿ ಹಾಗೂ ಇನ್ನಿತರ ಗ್ರಾಮದ ಜನರು ವೇಣೂರು ಪೇಟೆಯನ್ನೇ ಅವಲಂಬಿಸಿದ್ದಾರೆ. ವೇಣೂರು ಎಂಬುದು ಮೂಡಬಿದಿರೆ ಮತ್ತು ತಾಲೂಕು ಕೇಂದ್ರ ಬೆಳ್ತಂಗಡಿಗೆ ಸಂಪರ್ಕಿಸುವ ಮಧ್ಯ ಭಾಗವೂ ಹೌದು. ಬಿಸಿರೋಡ್‌ನಿಂದ ವಾಮದಪದವು ಮಾರ್ಗವಾಗಿ ಹಾಗೂ ಸಿದ್ದಕಟ್ಟೆ ಮಾರ್ಗವಾಗಿ ವೇಣೂರಿಗೆ ಸಂದಿಸುವ ಕೇಂದ್ರ ಸ್ಥಳ ಇದು.
Related Articles
Advertisement
ಇದ್ದರೂ ಇಲ್ಲದಂತೆಇರುವ ಬಸ್‌ ನಿಲ್ದಾಣ ಕಿರಿದು. ಒಂದೇ ಬದಿಯಲ್ಲಿ ಇರುವ ಕಾರಣ ಮತ್ತೂಂದು ಬದಿಯ ಪ್ರಯಾಣಿಕರಿಗೆ ಇತರೆ ಅಂಗಡಿಗಳ ಎದುರೇ ಆಶ್ರಯ. ರಾಜ್ಯ ಹೆದ್ದಾರಿಯೂ ಹೊಂಡಗಳಿಂದ ಮುಕ್ತವಾಗಿಲ್ಲ. ಪ್ರಮುಖವಾಗಿ ಖಾಸಗಿ ಬಸ್‌ಗಳು ಒಂದೇ ಕಡೆ ನಿಲ್ಲುವಂತಾಗಬೇಕು. ವೇಣೂರಲ್ಲಿ ಏನೇನಿದೆ?
ನಾಡಕಚೇರಿ, ಕಂದಾಯ ನಿರೀಕ್ಷಕರ ಕಚೇರಿ, ಗ್ರಾಮಕರಣಿಕರ ಕಚೇರಿ, ಪೊಲೀಸ್‌ ಠಾಣೆ, ಸಮುದಾಯ ಆರೋಗ್ಯ ಕೇಂದ್ರ, ಮೆಸ್ಕಾಂ, ಅಂಚೆ ಕಚೇರಿ, ರೈತ ಸಂಪರ್ಕ ಕೇಂದ್ರ, ರಾಷ್ಟ್ರೀಕೃತ ಬ್ಯಾಂಕ್‌ಗಳು, ಗ್ರಾಮೀಣ ಸಹಕಾರಿ ಬ್ಯಾಂಕ್‌ಗಳು, ಕ್ಯಾಂಪ್ಕೊ, ನೆಮ್ಮದಿ ಕೇಂದ್ರ, ಸರಕಾರಿ ಪ.ಪೂ. ಕಾಲೇಜು, ಸರಕಾರಿ ಮತ್ತು ಖಾಸಗಿ ಶಾಲೆಗಳು, ಪುರಾತನ ಧಾರ್ಮಿಕ ಪ್ರಾರ್ಥನಾ ಕೇಂದ್ರಗಳು. ಮೂಲಸೌಲಭ್ಯ
ಜಂಕ್ಷನ್‌ ಪಕ್ಕದಲ್ಲೇ ಪಂಚಾಯತ್‌ ಕಚೇರಿ, ಪ್ರಾಥಮಿಕ ಆರೋಗ್ಯ ಕೇಂದ್ರ, ಗ್ರಾಮ ಕರಣಿಕರ ಕಚೇರಿ ಹಾಗೂ ಸಾರ್ವಜನಿಕ ಶೌಚಾಲಯ ಇದೆ. ಕುಡಿಯುವ ನೀರಿನ ಸಮಸ್ಯೆ ಬಗೆಹರಿಯಬೇಕಿದೆ. ಶುದ್ಧ ಕುಡಿಯುವ ನೀರಿನ ಘಟಕ ಸ್ಥಾಪನೆ ಆಗಿ ವರ್ಷ ಕಳೆದಿದ್ದರೂ ಕಾರ್ಯಾರಂಭ ಮಾಡಿಲ್ಲ. ಸಾವಿರಾರು ಮಂದಿ ಸಂಧಿಸುವ ಇಲ್ಲಿ ಮುಖ್ಯವಾಗಿ ವ್ಯವಸ್ಥಿತ ಪಾರ್ಕಿಂಗ್‌ ಗೆ ಜಾಗ ಬೇಕು. ಅಂಗಡಿಗಳ ಎದುರೇ ವಾಹನ ನಿಲ್ಲಿಸಲಾಗುತ್ತಿದ್ದು, ರಿಕ್ಷಾ ಪಾರ್ಕಿಂಗ್‌ಗೂ ಜಾಗವಿಲ್ಲದ ಬಸ್‌ ನಿಲ್ದಾಣವೇ ಆಶ್ರಯವಾಗಿದೆ. ಇದೇ ಜಂಕ್ಷನ್‌ನಲ್ಲಿ ಚಿಕ್ಕದೊಂದು ವೃತ್ತ ನಿರ್ಮಿಸಬೇಕೆಂಬ ಬೇಡಿಕೆಯೂ ಇದೆ. ಜಂಕ್ಷನ್‌ ಅಭಿವೃದ್ಧಿ
ದಾನಿಗಳ ಸಹಕಾರದಲ್ಲಿ ಸುಸಜ್ಜಿತ ಬಸ್‌ ನಿಲ್ದಾಣ ವೇಣೂರಿನ ಮುಖ್ಯ ಜಂಕ್ಷನ್‌ ಬಳಿ ಶೀಘ್ರ ಆಗಲಿದೆ. ಬಸ್‌ ತಂಗುದಾಣಕ್ಕೆ ಗೊತ್ತುಪಡಿಸಿದ ಜಾಗದಲ್ಲಿ ಖಾಸಗಿ ಬಸ್‌ ನಿಲ್ಲಿಸಬಹುದು. ಕುಡಿಯುವ ನೀರಿನ ಘಟಕಕ್ಕೆ ಚಾಲನೆ ನೀಡಿತ್ತಾದರೂ ತಾಂತ್ರಿಕ ದೋಷದಿಂದ ಕಾರ್ಯ ನಿರ್ವಹಿಸುತ್ತಿಲ್ಲ. ಇವೆಲ್ಲವನ್ನೂ ಸರಿಪಡಿಸಿ ಜಂಕ್ಷನ್‌ ಅಭಿವೃದ್ಧಿಗೆ ಗಮನ ಹರಿಸಲಾಗುವುದು.
– ಮೋಹಿನಿ ವಿಶ್ವನಾಥ ಶೆಟ್ಟಿ
ಅಧ್ಯಕ್ಷರು ಗ್ರಾ.ಪಂ. ವೇಣೂರು ಪದ್ಮನಾಭ ವೇಣೂರು