ತಮಿಳುನಾಡಿನ ಮಾಜಿ ಸಿಎಂ ದಿ.ಜಯಲಲಿತಾ ನಿವಾಸ “ವೇದ ನಿಲಯಂ” ಮಾರಾಟಕ್ಕಿಲ್ಲ

ಚೆನ್ನೈ: ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ದಿ.ಜಯಲಲಿತಾ ನಿವಾಸ “ವೇದ ನಿಲಯಂ’ ಮಾರಾಟಕ್ಕಿಲ್ಲ ಎಂದು ಅವರ ಸೋದರ ಸೊಸೆ ದೀಪಾ ತಿಳಿಸಿದ್ದಾರೆ. ಈ ಮನೆಯನ್ನು ಶಶಿಕಲಾ ಅವರು ಖರೀದಿ ಮಾಡಲಿದ್ದಾರೆ, ಅಥವಾ ಪಾಲು ಕೇಳಲಿದ್ದಾರೆ ಎನ್ನುವ ಸುದ್ದಿಗಳು ಹರಿದಾಡಿದ ಬೆನ್ನಲ್ಲೇ ಈ ಸ್ಪಷ್ಟನೆ ಬಂದಿದೆ.

“ಸುದೀರ್ಘ‌ ಕಾನೂನು ಹೋರಾಟದ ಬಳಿಕ ನಮ್ಮ ಪೂರ್ವಜರ ಮನೆ ದೊರೆತಿದೆ. ಜಯಲಲಿತಾ ಅವರೊಂದಿಗೆ ಅನೇಕರು ಸ್ನೇಹದಿಂದ ಇದ್ದರು. ಹಾಗೆಂದ ಮಾತ್ರಕ್ಕೆ ಅವರಿಗೆ ಪಾಲು ನೀಡಲಾಗದು. ನಾವು ಸದ್ಯದಲ್ಲೇ ಈ ಮನೆಗೆ ಬಂದು ನೆಲೆಸಲಿದ್ದೇವೆ’ ಎಂದು ದೀಪಾ ಹೇಳಿದ್ದಾರೆ.

ಜಯಲಲಿತಾ ನಿಧನದ ನಂತರ ವೇದನಿಲಯಂ ಅನ್ನು ಸ್ಮಾರಕ ಮಾಡಬೇಕೆಂದು ಎಐಎಡಿಎಂಕೆ ನಿರ್ಧರಿಸಿತ್ತು. ಅದರ ವಿರುದ್ಧ ಕಾನೂನು ಹೋರಾಟ ನಡೆದಿತ್ತು.