ಹಯ್ಯಾಳ ಗ್ರಾಮಸ್ಥರಿಗೆ ಕೋವಿಡ್ ಸೋಂಕಿನ ಭೀತಿ

ವಡಗೇರಾ: ಮುಂಬೈನಿಂದ ಆಗಮಿಸಿ ಏಳು ದಿನದ ಸಾಂಸ್ಥಿಕ ಕ್ವಾರಂಟೈನ್‌ ಅವಧಿ ಮುಗಿಸಿ ಹಯ್ಯಾಳ (ಬಿ) ಗ್ರಾಮಕ್ಕೆ ಬಂದಿದ್ದ 40 ವರ್ಷದ ವ್ಯಕ್ತಿಗೆ ಇದೀಗ ಕೋವಿಡ್ ಸೋಂಕು ದೃಢವಾಗಿದ್ದು, ಗ್ರಾಮದೊಳಗೆ ಹೋಗುವ ಮುಖ್ಯ ರಸ್ತೆಯನ್ನು ಅಧಿಕಾರಿಗಳು ಸೀಲ್‌ಡೌನ್‌ ಮಾಡಿದ್ದಾರೆ.

ಗ್ರಾಮದ 11 ಜನರು ಮುಂಬೈಗೆ ಹೋಗಿ ಮರಳಿದ್ದಾರೆ. ಅವರಲ್ಲಿ ಸೋಂಕು ಪತ್ತೆಯಾಗಿದ್ದು, ಇದೀಗ ಗ್ರಾಮಸ್ಥರಲ್ಲಿ ತೀವ್ರ ಆತಂಕ ಎದುರಾಗಿದೆ. ಸರ್ಕಾರದ ಕ್ವಾರಂಟೈನ್‌ ಅವಧಿ ಸಡಿಲಿಕೆ ಎಲ್ಲೆಡೆ ಆಕ್ರೋಶ ವ್ಯಕ್ತವಾಗುತ್ತಿದ್ದು, ಈ ಹಿಂದೆ ಸೋಂಕು ಇಲ್ಲದ ಸಂದರ್ಭದಲ್ಲಿ ಕಟ್ಟುನಿಟ್ಟಿನ ಲಾಕ್‌ಡೌನ್‌ ಪಾಲಿಸಲಾಗಿತ್ತು, ಇದೀಗ ಮಹಾರಾಷ್ಟ್ರದಿಂದ ಬಂದವರಿಂದ ಕಂಟಕ ಎದುರಾಗಿದೆ.