ಗೋವಾದಲ್ಲಿ 18 ರಿಂದ 44 ವರ್ಷದವರಿಗೆ ಲಸಿಕಾ ಕಾರ್ಯ ಸ್ಥಗಿತ

ಪಣಜಿ: ಗೋವಾ ರಾಜ್ಯದಲ್ಲಿ 18 ರಿಂದ 44 ವರ್ಷದ ವಯಸ್ಸಿನ ಜನರಿಗೆ ಆರಂಭಿಸಿದ್ದ ಕೋವಿಡ್ ಲಸಿಕೆ ನೀಡುವ ಕಾರ್ಯವನ್ನು ಲಸಿಕೆ ಅಭಾವದಿಂದಾಗಿ ಸ್ಥಗಿತಗೊಳಿಸಲಾಗಿದೆ.

ಕೋವಿಡ್ ಲಸಿಕಾ ಅಭಿಯಾನದ ಪ್ರಮುಖ ಡಾ ರಾಜೇಂದ್ರ ಬೋರಕರ್ ಈ ಕುರಿತು ಮಾಹಿತಿ ನೀಡಿ- ರಾಜ್ಯದಲ್ಲಿನ 18 ರಿಂದ 44 ವರ್ಷದ ವಯಸ್ಸಿನ ನಾಗರೀಕರಿಗೆ ಕೋವಿಡ್ ಲಸಿಕೆ ನೀಡಲು 32,470 ಕೋವಿಡ್ ಲಸಿಕೆ ಡೋಸ್ ಗೋವಾಕ್ಕೆ ಬಂದಿತ್ತು. ಇದುವರೆಗೂ ಈ ವಯೋಮಿತಿಯ ನಾಗರೀಕರಿಗೆ ಲಸಿಕೆ ನೀಡಿ ಸದ್ಯ ಲಸಿಕೆ ಖಾಲಿಯಾಗಿದೆ. ಇದೀಗ 36580 ಕೋವಿಡ್ ಲಸಿಕೆ ಡೋಸ್ ಮಂಜೂರಾಗಿದೆ. ಈ ಲಸಿಕೆ ಗೋವಾಕ್ಕೆ ಆಗಮಿಸುತ್ತಿದ್ದಂತೆಯೇ ಲಸಿಕಾ ಅಭಿಯಾನವನ್ನು ಆರಂಭಿಸಲಾಗುವುದು ಎಂಬ ಮಾಹಿತಿ ನೀಡಿದರು.

ಇದನ್ನೂ ಓದಿ :ನಾರದ ಲಂಚ ಕೇಸ್: ಕೋಲ್ಕತಾ ಹೈಕೋರ್ಟ್ ಆದೇಶದ ವಿರುದ್ಧ ಸುಪ್ರೀಂ ಮೆಟ್ಟಿಲೇರಿದ ಸಿಬಿಐ

ರಾಜ್ಯದಲ್ಲಿನ 45 ವರ್ಷಕ್ಕೂ ಮೇಲ್ಪಟ್ಟ ವಯಸ್ಸಿನ ನಾಗರೀಕರಿಗೆ ಮಂಗಳವಾರದಿಂದ ಲಸಿಕಾ ಅಭಿಯಾನ ಆರಂಭಗೊಳ್ಳಲಿದ್ದು ಇದುವರೆಗೂ ಯಾರು ಲಸಿಕೆ ಪಡೆದುಕೊಂಡಿಲ್ಲವೊ ಅವರು ಹತ್ತಿರದ ಆರೋಗ್ಯ ಕೇಂದ್ರಕ್ಕೆ ತೆರಳಿ ಲಸಿಕೆ ಪಡೆದುಕೊಳ್ಳುವಂತೆ ಡಾ. ರಾಜೇಂದ್ರ ಬೋರಕರ್ ಮನವಿ ಮಾಡಿದ್ದಾರೆ.