Advertisement

ಅಮೆರಿಕಕ್ಕಿಂತ ನಾವೇ ಬೆಸ್ಟ್‌! ಮೆಚ್ಚುಗೆ ಪಡೆದ ಸಚಿವ ಜೈಶಂಕರ್‌ ವಿಡಿಯೋ

11:32 AM Aug 18, 2022 | Team Udayavani |

ನವದೆಹಲಿ: ಕೊರೊನಾ ಲಸಿಕೆ ಅಭಿಯಾನದ ವಿಚಾರದಲ್ಲಿ ಅಮೆರಿಕಕ್ಕಿಂತ ಭಾರತ ಹೆಚ್ಚು ತಾಂತ್ರಿಕವಾಗಿ ಕೆಲಸ ಮಾಡಿ ಸೈ ಎನಿಸಿಕೊಂಡಿದೆ. ಈ ವಿಚಾರವನ್ನು ವಿದೇಶಾಂಗ ಸಚಿವ ಎಸ್‌.ಜೈಶಂಕರ್‌ ಅನುಭವದೊಂದಿಗೆ ವಿವರಿಸಿದ್ದು, ಆ ವಿಡಿಯೋ ಅನೇಕರ ಮೆಚ್ಚುಗೆಗೆ ಪಾತ್ರವಾಗಿದೆ.

Advertisement

“ನಾನು 2021ಕ್ಕೆ ಅಮೆರಿಕ ಪ್ರವಾಸಕ್ಕೆ ಹೋಗಿದ್ದೆ. ಅಲ್ಲಿಯೇ ಹುಟ್ಟಿ ಬೆಳೆದಿರುವ ನನ್ನ ಮಗನೊಂದಿಗೆ ರೆಸ್ಟೋರೆಂಟ್‌ ಒಂದಕ್ಕೆ ಹೋದೆ. ಅಲ್ಲಿ ನಮಗೆ ಲಸಿಕೆ ಪ್ರಮಾಣ ಪತ್ರ ಕೇಳಿದರು. ನಾನು ಮೊಬೈಲ್‌ನಲ್ಲೇ ಪ್ರಮಾಣ ಪತ್ರ ತೋರಿಸಿದೆ. ಆದರೆ ನನ್ನ ಮಗ ಅವನ ವ್ಯಾಲೆಟ್‌ನಲ್ಲಿದ್ದ ಚೀಟಿಯೊಂದನ್ನು ತೆಗೆದು ತೋರಿಸಿದ’ ಎಂದು ಜೈಶಂಕರ್‌ ತಮ್ಮ ಅನುಭವವನ್ನು ವಿವರಿಸಿದ್ದಾರೆ.

ಲಸಿಕೆಯ ಪ್ರಮಾಣಪತ್ರ ಮೊಬೈಲ್‌ನಲ್ಲೇ ಸಿಗಬೇಕು ಎನ್ನುವ ಕಾರಣಕ್ಕೆ ನಾವು ಕೊವಿನ್‌ ಆ್ಯಪ್‌ ತಯಾರಿಸಿದೆವು. ಈ ರೀತಿಯ ಸುಲಭದ ತಾಂತ್ರಿಕ ಸೌಲಭ್ಯ ಅನೇಕ ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳಲ್ಲೂ ಇಲ್ಲ ಎನ್ನುವುದನ್ನು ನಾವು ಗಮನಿಸಬೇಕು ಎಂದೂ ಸಚಿವರು ಹೇಳಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next