ರೈಲಿನಲ್ಲಿ ಸಹಪ್ರಯಾಣಿಕರ ಜತೆ ಕೇಂದ್ರ ವಿತ್ತ ಸಚಿವೆ ಕುಶಲೋಪರಿ

ರಾಯಚೂರು: ನಗರದ ಕೃಷಿ ವಿವಿ ಆವರಣದಲ್ಲಿ ಹಮ್ಕಿಕೊಂಡಿರುವ ಸಿರಿಧಾನ್ಯ ಮೇಳದಲ್ಲಿ ಭಾಗಿಯಾಗಲು ಆಗಮಿಸುತ್ತಿದ್ದ ಕೇಂದ್ರ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ರಾತ್ರಿ ಸಹಪಯಣಿಗರ ಜತೆ ಕೆಲ ಕಾಲ ಕುಶಲೋಪರಿ ನಡೆಸಿದರು.

ಮುಂಬೈನಿಂದ ಕುರ್ಲಾ ಎಕ್ಸಪ್ರೆಸ್ ಮೂಲಕ ಆಗಮಿಸಿದ ಅವರು ರಾತ್ರಿ ವಿವಿಧ ಬೋಗಿಗಳಿಗೆ ಹೋಗಿ ಪ್ರಯಾಣಿಕರನ್ನು ಮಾತನಾಡಿಸಿದರು. ರೈಲ್ವೆ ಸೌಲಭ್ಯಗಳ ಕುರಿತು ಕೇಳಿ ಮಾಹಿತಿ ಪಡೆದರು. ಈ ವೇಳೆ ಪ್ರಯಾಣಿಕರು ಅವರ ಜತೆ ಸೆಲ್ಫಿ ಪಡೆದು ಖುಷಿ ಪಟ್ಟರು.