Under 19 ಕ್ರಿಕೆಟ್‌; 3ನೇ ಪಂದ್ಯ: ಭಾರತಕ್ಕೆ ಜಯ

ಪುದುಚೇರಿ: ಭಾರತ ಅಂಡರ್‌ 19 ತಂಡವು ಗುರುವಾರ ನಡೆದ ಪ್ರವಾಸಿ ಆಸ್ಟ್ರೇಲಿಯ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ 7 ರನ್ನುಗಳಿಂದ ಜಯ ಸಾಧಿಸುವ ಮೂಲಕ ಮೂರು ಪಂದ್ಯಗಳ ಸರಣಿಯನ್ನು ಕ್ಲೀನ್‌ಸಿÌàಪ್‌ಗೆçದಿದೆ. ಸರಣಿಯ ಮೊದಲೆರಡು ಪಂದ್ಯಗಳನ್ನು ಭಾರತ ಅನುಕ್ರಮವಾಗಿ ಏಳು ಮತ್ತು 9 ವಿಕೆಟ್‌ಗಳಿಂದ ಜಯಿಸಿತ್ತು.

ಬೃಹತ್‌ ಮೊತ್ತದ ಈ ಹೋರಾಟದಲ್ಲಿ ಮೊದಲು ಬ್ಯಾಟಿಂಗ್‌ ನಡೆಸಿದ ಭಾರತ ಅಂಡರ್‌ 19 ತಂಡವು ರುದ್ರ ಪಟೇಲ್‌ (77) ಮತ್ತು ನಾಯಕ ಮೊಹಮ್ಮದ್‌ ಅಮಾನ್‌ (71) ಅವರ ಉಪಯುಕ್ತ ಆಟದಿಂದಾಗಿ 8 ವಿಕೆಟಿಗೆ 324 ರನ್‌ ಪೇರಿಸಿತ್ತು. ಇದಕ್ಕುತ್ತರವಾಗಿ ಭರ್ಜರಿ ಆರಂಭದ ಹೊರತಾಗಿಯೂ ಕೊನೆ ಹಂತದಲ್ಲಿ ಒತ್ತಡಕ್ಕೆ ಸಿಲುಕಿದ ಆಸ್ಟ್ರೇಲಿಯ ಅಂಡರ್‌ 19 ತಂಡವು ನಿಗದಿತ 50 ಓವರ್‌ಗಳಲ್ಲಿ 7 ವಿಕೆಟಿಗೆ 317 ರನ್‌ ಗಳಿಸಲಷ್ಟೇ ಶಕ್ತವಾಗಿ ಶರಣಾಯಿತು.

ಆಸ್ಟ್ರೇಲಿಯ ಒಂದು ಹಂತದಲ್ಲಿ 41ನೇ ಓವರ್‌ ಮುಕ್ತಾ ಯಕ್ಕೆ 2 ವಿಕೆಟಿಗೆ 241 ರನ್‌ ಗಳಿಸಿ ಉತ್ತಮ ಸ್ಥಿತಿಯಲ್ಲಿತ್ತು. ನಾಯಕ ಓಲಿವರ್‌ ಪೀಕ್‌ (111) ಮತ್ತು ಸ್ಟೀವನ್‌ ಹೋಗನ್‌ (104) ಮೂರನೇ ವಿಕೆಟಿಗೆ 180 ರನ್ನುಗಳ ಜತೆಯಾಟದಲ್ಲಿ ಪಾಲ್ಗೊಂಡಿದ್ದರು. ಈ ಜೋಡಿ ಮುರಿದ ಬಳಿಕ ಆಸ್ಟ್ರೇಲಿಯದ ಕುಸಿತ ಆರಂಭಗೊಂಡಿತಲ್ಲದೇ ಅಂತಿಮ ಹಂತದಲ್ಲಿ ಒತ್ತಡಕ್ಕೆ ಸಿಲುಕಿತು.