Ullal: ನೆತ್ತಿಲ; ಬಾವಿಗೆ ಬಿದ್ದು ವ್ಯಕ್ತಿ ಸಾವು

ಉಳ್ಳಾಲ: ಕೋಟೆಕಾರು ನೆತ್ತಿಲದಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದ ನವೀನ್‌ ಬೆಳ್ಚಾಡ (48) ಅವರು ಮನೆ ಹಿಂಬದಿಯ ಬಾವಿಗೆ ಬಿದ್ದು ಮೃತಪಟ್ಟ ಘಟನೆ ರವಿವಾರ ಸಂಭವಿಸಿದೆ.

ಅವರು ಸಂಜೆ ವೇಳೆಗೆ ಬಾವಿಯ ಆವರಣಗೋಡೆಯನ್ನು ಸ್ವಚ್ಛಗೊಳಿಸುತ್ತಿದ್ದಾಗ ಆಯ ತಪ್ಪಿ ಬಾವಿಗೆ ಬಿದ್ದಿದ್ದಾರೆ.

ಸ್ಥಳೀಯರು ನವೀನ್‌ ಅವರನ್ನು ಮೇಲಕ್ಕೆತ್ತಿದರೂ ಆದಾಗಲೇ ಅವರು ಸಾವನ್ನಪ್ಪಿದರು. ಸೆಂಟ್ರಿಂಗ್‌ ಕೆಲಸ ಮಾಡುತ್ತಿದ್ದ ನವೀನ್‌ ಪತ್ನಿ, ಪುತ್ರಿ ಮತ್ತು ಪುತ್ರನನ್ನು ಅಗಲಿದ್ದಾರೆ.