ಯುಕೆ: ಗಲಭೆ ಮಧ್ಯೆ ಶಾಂತಿ ಮಂತ್ರ

ಲಂಡನ್‌: ಭಾರತ-ಪಾಕ್‌ ಕ್ರಿಕೆಟ್‌ ಪಂದ್ಯದ ಬಳಿಕ ಪೂರ್ವ ಲಂಡನ್‌ನ ಲೈಸೆಸ್ಟರ್‌ ನಗರದಲ್ಲಿ ಆರಂಭವಾದ ಹಿಂದೂ-ಮುಸ್ಲಿಂ ಗಲಭೆಗೆ ಸಂಬಂಧಿಸಿ ಯುಕೆ ಪೊಲೀಸರು ಮಂಗಳವಾರ 47 ಮಂದಿಯನ್ನು ಬಂಧಿಸಿದ್ದಾರೆ.

ಇದರ ನಡುವೆಯೇ, ನಗರದ ಎರಡೂ ಸಮುದಾಯದ ಪ್ರಮುಖರು ಒಗ್ಗಟ್ಟು ಪ್ರದರ್ಶಿಸಿದ್ದು, ಸಾಮರಸ್ಯ ಕಾಪಾಡುವಂತೆ ಮನವಿ ಮಾಡಿದ್ದಾರೆ. ದ್ವೇಷ ಹರಡುವವರು ಈ ನಗರ ಬಿಟ್ಟು ತೊಲಗಿ. ಹಿಂದೂ-ಮುಸ್ಲಿಮರ ನಡುವೆ ಶಾಂತಿ ಕೆಡಿಸುವ ನಿಮ್ಮ ಹುನ್ನಾರ ಯಶಸ್ವಿಯಾಗಲು ನಾವು ಬಿಡುವುದಿಲ್ಲ ಎಂದು ಇಸ್ಕಾನ್‌ ದೇಗುಲದ ಅಧ್ಯಕ್ಷ ಪ್ರದ್ಯುಮ್ನ ದಾಸ್‌ ಹೇಳಿದ್ದಾರೆ.