ಬ್ರಿಟನ್‌ ಪಿಎಂ ಸುನಕ್‌ ನಿವಾಸದಲ್ಲಿ ಬಾಳೆಎಲೆ ಊಟ

ಲಂಡನ್‌: ಬ್ರಿಟನ್‌ ಪ್ರಧಾನಮಂತ್ರಿ ರಿಷಿ ಸುನಕ್‌ ಅವರ ನಿವಾಸದಲ್ಲಿ ಬಾಳೆ ಎಲೆ ಊಟ! ಇದೇನು ಅಚ್ಚರಿ ಎಂದು ಭಾವಿಸಬೇಡಿ. ಸಂಕ್ರಾಂತಿ ನಿಮಿತ್ತ ಲಂಡನ್‌ನಲ್ಲಿ ಇರುವ 10 ಡೌನಿಂಗ್‌ ಸ್ಟ್ರೀಟ್‌ನ ನಿವಾಸದ ಸಿಬ್ಬಂದಿಗೆ ಈ ಸುಯೋಗ ಒದಗಿಬಂದಿದೆ.

ಸುಗ್ಗಿ ಹಬ್ಬದ ಹಿನ್ನೆಲೆಯಲ್ಲಿ ಸುನಕ್‌ ಅವರು ಎಲ್ಲರಿಗೂ ಭೂರಿ ಭೋಜನದ ವ್ಯವಸ್ಥೆ ಮಾಡಿದ್ದಾರೆ.

ಈ ಬಗ್ಗೆ ಟ್ವಿಟರ್‌ನಲ್ಲಿ ವಿಡಿಯೋ ಕೂಡ ಅಪ್‌ಲೋಡ್‌ ಮಾಡಲಾಗಿದೆ. ಅದಕ್ಕೆ ಭರ್ಜರಿ ಮೆಚ್ಚುಗೆ ವ್ಯಕ್ತವಾಗಿದೆ. ಪ್ರಧಾನಿಯವರ ನಿವಾಸದಲ್ಲಿನ ಸಿಬ್ಬಂದಿ ಬಾಳೆ ಎಲೆಯ ಮುಂದೆ ಕುಳಿತು, ಕೈಯಿಂದಲೇ ವಿವಿಧ ಭಕ್ಷ್ಯ ಭೋಜನವನ್ನು ಸವಿಯುವ ವೀಡಿಯೊ ಈಗ ವೈರಲ್‌ ಆಗಿದೆ.

“ವಾರಾಂತ್ಯದಲ್ಲಿ ಪೊಂಗಲ್‌ ಹಬ್ಬ ಆಚರಿಸುವ ಎಲ್ಲರಿಗೂ ಶುಭ ಹಾರೈಕೆಗಳು. ಈ ಹಬ್ಬದ ಮಹತ್ವ ಎಲ್ಲರಿಗೂ ತಿಳಿದಿದೆ. ಜಗತ್ತಿನ ಎಲ್ಲರಿಗೂ ಆರೋಗ್ಯ, ಆಭಿವೃದ್ಧಿ, ನೆಮ್ಮದಿ ಸಿಗಲಿ ಎಂದು ಹಾರೈಸುತ್ತೇನೆ’ ಎಂಬ ರಿಷಿ ಸುನಕ್‌ ಅವರ ವಿಡಿಯೋ ಸಂದೇಶ ಕೂಡ ಇದೆ.