ಉಜಿರೆ: ಕಾಂಪೌಂಡ್‌ ಕುಸಿತ;ಹಾನಿ

ಬೆಳ್ತಂಗಡಿ: ಉಜಿರೆ ಸಮೀಪದ ಏರ್ನೋಡಿ ಬಳಿ ಮಂಗಳವಾರ ಸುರಿದ ಭಾರೀ ಮಳೆಗೆ ಕಾಂಪೌಡ್‌ ಗೋಡೆ ಕುಸಿದು ಪಕ್ಕದ ಮನೆಗೆ ಹಾನಿಯಾಗಿದೆ. ಸಂತೋಷ್‌ ಲೋಬೊ ಅವರ ಮನೆ ಕಾಂಪೌಂಡ್‌ ಎತ್ತರದಲ್ಲಿದ್ದು, ಕೆಳಗಿರುವ ಈಶ್ವರ ದೇವಾಡಿಗ ಅವರ ಮನೆಗೆ ತಾಗಿಕೊಂಡಿರುವ ಕೊಟ್ಟಿಗೆ ಮೇಲೆ ಬಿದ್ದು ಗೋಡೆ ಭಾಗಶಃ ಹಾನಿಗೀಡಾಗಿದೆ.

ಮಂಗಳವಾರ ರಾತ್ರಿ 11 ಗಂಟೆ ಸುಮಾರಿಗೆ ಸಿಡಿಲು ಮಳೆಗೆ ಗೋಡೆ ಸಂಪೂರ್ಣ ಜರಿದು ಬಿದ್ದಿದ್ದು, ಕೊಟ್ಟಿಗೆಯಲ್ಲಿದ್ದ ನಾಯಿಯ ಕಾಲಿನ ಮೇಲೆ ಬಿದ್ದು ಗಾಯವಾಗಿದೆ. ಮಳೆನೀರು ಹರಿದು ಹೋಗುವ ಕಣಿ ಸಮೀಪದಲ್ಲೇ ಇದ್ದು. ನೀರಿನ ತೇವಾಂಶ ಹೆಚ್ಚಾಗಿ ಗೋಡೆ ಕುಸಿದಿರುವ ಸಾಧ್ಯತೆ ಇದೆ ಎಂದು ಸ್ಥಳೀಯರು ಅಭಿಪ್ರಾಯಿಸಿದ್ದಾರೆ.ಲಕ್ಷ ರೂ. ವೆಚ್ಚ ಮಾಡಿ ಹೈ ಬೀಮ್‌ ಪಿಲ್ಲರ್‌ ಅಳವಡಿಸಿ ಕಾಂಪೌಡ್‌ ಕಟ್ಟಲಾಗಿದೆ. ಈಶ್ವರ್‌ ಅವರ ಮನೆ ಗೋಡೆ ಬಿದ್ದಿದ್ದು ಹೆಂಚಿನ ಮಾಡು ಬಿದ್ದಿದ್ದು ಲಕ್ಷಾಂತರ ಹಾನಿ ಸಂಭವಿಸಿದೆ.ತ; ಹಾನಿ