ಉಡುಪಿ ಯಕ್ಷಗಾನ ಕಲಾಕ್ಷೇತ್ರ: ಯು. ಗೋಪಾಲಕೃಷ್ಣ ಮಲ್ಯ ಅವರಿಗೆ ಸಮ್ಮಾನ

ಉಡುಪಿ: ಉಡುಪಿ-ಗುಂಡಿಬೈಲು ಯಕ್ಷಗಾನ ಕಲಾಕ್ಷೇತ್ರದ “67ನೇ ಸ್ಥಾಪನ ದಿನಾಚರಣೆ’ ಕಲಾಕ್ಷೇತ್ರದ ಸುವರ್ಣ ಮಹೋತ್ಸವ ಸಭಾಭವನದಲ್ಲಿ ಜಾನಪದ ವಿದ್ವಾಂಸ ಬನ್ನಂಜೆ ಬಾಬು ಅಮೀನ್‌ ಅವರ ಅಧ್ಯಕ್ಷತೆಯಲ್ಲಿ ರವಿವಾರ ನಡೆಯಿತು.

ಇದೇ ಸಂದರ್ಭ ಕಲಾಕ್ಷೇತ್ರದಲ್ಲಿ ಕಳೆದ 57 ವರ್ಷಗಳಿಂದ ಸದಸ್ಯರಾಗಿ ಸೇವೆ ಸಲ್ಲಿಸಿ ವಿವಿಧ ವೇಷಗಳಿಂದ ಜನಮನ ರಂಜಿಸಿದ ಹಿರಿಯ ಹವ್ಯಾಸಿ ಯಕ್ಷಗಾನ ಕಲಾವಿದ ಯು. ಗೋಪಾಲಕೃಷ್ಣ ಮಲ್ಯ ಅವರನ್ನು ಮಣಿಪಾಲ ಎಂಐಟಿ ಉಪನ್ಯಾಸಕ, ಯಕ್ಷಗಾನ ವಿಮರ್ಶಕ ಎಸ್‌.ವಿ. ಉದಯ ಕುಮಾರ್‌ ಶೆಟ್ಟಿ ಅವರು ಸಮ್ಮಾನಿಸಿದರು.

ಉಪಾಧ್ಯಕ್ಷ ಜಿ. ಬಾಬು ಗೌಡ ಉಪಸ್ಥಿತರಿದ್ದರು. ಕಾರ್ಯದರ್ಶಿ ಕೇಶವಮೂರ್ತಿ ಬೆಲ್ಪತ್ರೆ ಸ್ವಾಗತಿಸಿ, ಭಾಗವತ ನಿಟ್ಟೂರು ಶೀನಪ್ಪ ಸುವರ್ಣ ಅಭಿನಂದನ ಭಾಷಣಗೈದರು. ಕಲಾ ಕಾರ್ಯದರ್ಶಿ ಎಸ್‌. ಗಣೇಶ್‌ ಕೋಟ್ಯಾನ್‌ ವಂದಿಸಿದರು. ಹವ್ಯಾಸಿ ಕಲಾವಿದರ ಸಮ್ಮಿಲಿತದಿಂದ “ಧರ್ಮಾಂಗದ ದಿಗ್ವಿಜಯ’ ಯಕ್ಷಗಾನ ತಾಳಮದ್ದಳೆ ನೆರವೇರಿತು.