Udupi ಮಹಿಳೆ ಬ್ಯಾಗ್‌ನಲ್ಲಿದ್ದ ಚಿನ್ನಾಭರಣ ಕಳವು

ಉಡುಪಿ: ಆಂಧ್ರಪ್ರದೇಶದ ನೆಲ್ಲೂರಿನ ಜೆ. ಪದ್ಮಾವತಿ ಅವರು ಧಾರ್ಮಿಕ ಕ್ಷೇತ್ರಗಳ ಭೇಟಿ ಹಿನ್ನೆಲೆಯಲ್ಲಿ ನ. 24ರಂದು ಉಡುಪಿಗೆ ಆಗಮಿಸಿ, ಖಾಸಗಿ ಹೊಟೇಲಿನಲ್ಲಿ ತಂಗಿದ್ದರು.

ಸಂಜೆ 7 ಗಂಟೆಗೆ ಕೃಷ್ಣ ಮಠಕ್ಕೆ ತೆರಳಿ ದೇವರ ದರ್ಶನ ಪಡೆಯಲು ಹೋಗಿದ್ದರು. ಈ ವೇಳೆ ಕಳ್ಳರು ಪದ್ಮಾವತಿ ಅವರ ಹ್ಯಾಂಡ್‌ಬ್ಯಾಗ್‌ ಒಳಗೆ ಸಣ್ಣ ಪೌಚ್‌ನಲ್ಲಿಟ್ಟಿದ್ದ 1 ಚಿನ್ನದ ಬಳೆ ಹಾಗೂ 1 ಲಕ್ಷ್ಮಿ ಲಾಕೆಟ್‌ ಅನ್ನು ಹೊಂದಿರುವ ಚಿನ್ನದ ಸರ ಮತ್ತು 2500 ರೂ. ಕಳವು ಮಾಡಿದ್ದಾರೆ.

ಒಟ್ಟು 60 ಗ್ರಾಂ ತೂಕದ ಅಂದಾಜು 3,80,000 ರೂ. ಮೌಲ್ಯದ ಚಿನ್ನಾಭರಣ ಕಳವಾಗಿದೆ ಎಂದು ದೂರಿದ್ದಾರೆ. ಉಡುಪಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.