ಕಾರು ಢಿಕ್ಕಿ: ಬೈಕ್‌ ಸವಾರನಿಗೆ ಗಾಯ

ಉಡುಪಿ: ಕಾರು ಢಿಕ್ಕಿ ಹೊಡೆದು ಬೈಕ್‌ ಸವಾರ ಗಾಯಗೊಂಡ ಘಟನೆ ಸಂಭವಿಸಿದೆ.

ಉಡುಪಿ ಪುತ್ತೂರಿನ ಎಂ. ರಘುವೀರ್‌ ಅವರು ಬೈಕ್‌ನಲ್ಲಿ ಸಂತೆಕಟ್ಟೆಗೆ ಹೋಗಿ ವಾಪಸ್‌ ಮನೆಗೆ ಹಿಂದಿರುಗುತ್ತಿದ್ದಾಗ ಗೋಪಾಲಪುರ 4ನೇ ಅಡ್ಡರಸ್ತೆಯ ಬಳಿ ಸಂತೆಕಟ್ಟೆ- ಮಲ್ಪೆ ಮುಖ್ಯ ರಸ್ತೆಗೆ ಅತಿವೇಗದಿಂದ ಶೌಕತ್‌ ಆಲಿ ಕಾರು ಚಲಾಯಿಸಿಕೊಂಡು ಬಂದು ಢಿಕ್ಕಿ ಹೊಡೆದಿದ್ದಾನೆ.

ಪರಿಣಾಮ ರಘುವೀರ್‌ ಅವರಿಗೆ ಗಾಯವಾಗಿದ್ದು, ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಉಡುಪಿ ಸಂಚಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.