Udupi: ವಿದ್ಯುನ್‌ ಹೆಬ್ಬಾರ್‌ಗೆ ಫೋಟೋಗ್ರಾಫ‌ರ್‌ ಆಫ್ ದಿ ಇಯರ್‌ ಪ್ರಶಸ್ತಿ ಪ್ರದಾನ

ಉಡುಪಿ: ವೈಲ್ಡ್‌ಲೈಫ್ ಕ್ಷೇತ್ರದಲ್ಲಿ ಕಿರಿಯ ವಯಸ್ಸಿನಲ್ಲೇ ಉಡುಪಿ ಮೂಲದ ವಿದ್ಯುನ್‌ ಹೆಬ್ಬಾರ್‌ ವೈಲ್ಡ್‌ ಲೈಫ್ ವಿಭಾಗದಲ್ಲಿ ಫೋಟೋ ಗ್ರಾಫ‌ರ್‌ ಆಫ್ ದಿ ಇಯರ್‌ ಪ್ರಶಸ್ತಿಗೆ ಪಡೆದಿದ್ದಾರೆ.

ಲಂಡನ್‌ ನ್ಯಾಚುರಲ್‌ ಹಿಸ್ಟರಿ ಮ್ಯೂಸಿಯಂ ಕೊಡಮಾಡುವ ಫೋಟೊಗ್ರಾಫ‌ರ್‌ ಆಫ್ ದಿ ಇಯರ್‌ 2021ರ ಅಂತಾರಾಷ್ಟ್ರೀಯ ಛಾಯಾಚಿತ್ರ ಪ್ರಶಸ್ತಿಯಲ್ಲಿ 18 ವರ್ಷದೊಳಗಿನ ವಿಭಾಗದಲ್ಲಿ ವಿದ್ಯುನ್‌ ಪ್ರಶಸ್ತಿ ಪಡೆದಿದ್ದು, ಇತ್ತೀಚೆಗೆ ಲಂಡನ್‌ನಲ್ಲಿ ಪ್ರಶಸ್ತಿ ಸ್ವೀಕರಿಸಿದರು.

ಜೇಡರ ಬಲೆ ಮೈಕ್ರೋ ಫೋಟೋ ಗ್ರಫಿಗೆ ಈ ಪ್ರಶಸ್ತಿ ಲಭಿಸಿದೆ. ವಿದ್ಯುನ್‌ ಬೆಂಗಳೂರಿನ ಹುಳಿ ಮಾವು ಬಿಜಿಎಸ್‌ಪಿಎಸ್‌ ಶಾಲೆಯ 8ನೇ ತರಗತಿ ವಿದ್ಯಾರ್ಥಿ.

ಪ್ರವಾಸಕ್ಕೆ ತೆರಳಿದ ಸಂದರ್ಭ ಅರಣ್ಯಗಳಲ್ಲಿ ವಿವಿಧ ಪ್ರಾಣಿಗಳ ಫೋಟೋ ಸೆರೆ ಹಿಡಿಯುವುದು, ವನ್ಯಜೀವಿಗಳ ಜೀವನಕ್ರಮಗಳ ಬಗ್ಗೆ ಅಧ್ಯಯನ ನಡೆಸುವುದು ವಿದ್ಯುನ್‌ ಹವ್ಯಾಸ. ವಿದ್ಯುನ್‌ ಅವರು ಮಲ್ಪೆ ರಾಮದಾಸ ಸಾಮಗ ಅವರ ಮರಿ ಮೊಮ್ಮಗನಾಗಿದ್ದು, ರವಿಪ್ರಕಾಶ್‌ – ನಮಿತಾ ದಂಪತಿಯ ಪುತ್ರ.