ಭಿಕ್ಷಾಟನೆ ತಡೆ ಕಾರ್ಯಾಚರಣೆ: 13 ಭಿಕ್ಷುಕರು ಪುನರ್ವಸತಿ ಕೇಂದ್ರಕ್ಕೆ

ಉಡುಪಿ: ಭಿಕ್ಷಾಟನೆ ನಿಷೇಧ ಕಾಯ್ದೆಯ ಅನ್ವಯ ಜಿಲ್ಲಾಧಿಕಾರಿಯವರ ಸೂಚನೆಯಂತೆ ಉಡುಪಿಯಲ್ಲಿ 13 ಮಂದಿ ಭಿಕ್ಷುಕರನ್ನು ಪುನರ್ವಸತಿ ಕೇಂದ್ರಕ್ಕೆ ಶನಿವಾರ ದಾಖಲಿಸಲಾಯಿತು.

ಭಿಕ್ಷಾಟನೆ ತಡೆಗಟ್ಟುವ ಸಲುವಾಗಿ ಮಂಗಳೂರು ನಿರಾಶ್ರಿತರ ಪರಿಹಾರ ಕೇಂದ್ರದ ಅಧೀಕ್ಷಕರು ಮತ್ತು ಕಾರ್ಯಪಾಲಕ ಸಿಬಂದಿ ಹಾಗೂ ಸಾಮಾಜಿಕ ಕಾರ್ಯಕರ್ತ ನಿತ್ಯಾನಂದ ಒಳಕಾಡು ಅವರ ಸಹಯೋಗದೊಂದಿಗೆ ಉಡುಪಿ ಸಿಟಿ ಬಸ್‌ ಸ್ಟಾಂಡ್‌, ಅಶ್ವತ್ಥಕಟ್ಟೆ, ಶನೈಶ್ಚರ ದೇವಸ್ಥಾನ, ಮಾರುತಿ ವಿಥಿಕಾ ರಸ್ತೆ ಹಾಗೂ ನಗರದೆಲ್ಲೆಡೆ ಸುತ್ತಾಡಿ 13 ಮಂದಿಯನ್ನು ವಶಕ್ಕೆ ತೆಗೆದುಕೊಳ್ಳಲಾಯಿತು. ನಿರಾಶ್ರಿತರ ಪರಿಹಾರ ಕೇಂದ್ರವಾದ ಮಂಗಳೂರಿನ ಪಚ್ಚನಾಡಿಗೆ ನಿರಾಶ್ರಿತರನ್ನು ದಾಖಲಿಸಲಾಗಿದೆ.

ಇದನ್ನೂ ಓದಿ : “ಚೀನ ಪೇ ಚರ್ಚಾ” ಯಾವಾಗ ಮಾಡಲಾಗುತ್ತದೆ : ಪ್ರಧಾನಿಗೆ ಖರ್ಗೆ ಪ್ರಶ್ನೆ