ರಸ್ತೆಗೆ ಗ್ಯಾಸ್ ಲೈಟ್ ಕಟ್ಟಿ ವಿನೂತನ ರೀತಿಯ ಪ್ರತಿಭಟನೆ ಮಾಡಿದ ಉಡುಪಿ ನಾಗರಿಕರು

ಉಡುಪಿ: ಕೆಟ್ಟು ಹೋದ ಹೈಮಾಸ್ಟ್ ದೀಪವನ್ನು ದುರಸ್ತಿಗೊಳಿಸದ ನಗರಸಭೆಯ ಖಂಡಿಸಿ ನಾಗರಿಕರು ಕಂಬಕ್ಕೆ ಗ್ಯಾಸ್ ಲೈಟ್ ಕಟ್ಟಿ ವಿನೂತನವಾಗಿ ಪ್ರತಿಭಟಿಸಿದ ಘಟನೆ ಉಡುಪಿಯ ಕುಕ್ಕಿಕಟ್ಟೆಯಲ್ಲಿ ನಡೆದಿದೆ.

ನಗರದ ಕುಕ್ಕಿಕಟ್ಟೆಯಲ್ಲಿ ನಗರಸಭೆಯ ಹೈಮಾಸ್ಟ್ ದೀಪ ಕೆಟ್ಟು ಹೋಗಿ ತಿಂಗಳಾದರೂ ದುರಸ್ತಿ ಪಡಿಸಿರಲಿಲ್ಲ. ದೂರು ನೀಡಿದ್ದರೂ ಕೂಡಾ ಯಾವುದೇ ಪ್ರಯೋಜನವಾಗಿರಲಿಲ್ಲ. ಇದರಿಂದ ಬೇಸತ್ತ ನಾಗರಿಕರು ಗ್ಯಾಸ್ ಲೈಟ್ ಅಳವಡಿಸಿ ನಗರಸಭೆಯ ಗಮನ ಸೆಳೆಯುವ ಪ್ರಯತ್ನ ಮಾಡಿದ್ದಾರೆ.

ಇದರ ಜೊತೆಗೆ ಸಾರ್ವಜನಿಕರ ಅನುಕೂಲಕ್ಕಾಗಿ ಗ್ಯಾಸ್ ದೀಪದ ವ್ಯವಸ್ಥೆ ಮಾಡಲಾಗಿದೆ. ದಯವಿಟ್ಟು ಸಹಕರಿಸಿ ಎಂಬ ಫಲಕವನ್ನು ನೇತು ಹಾಕಲಾಗಿದೆ.