ಲಕ್ನೋ : ಕಾಶ್ಮೀರಿ ಯುವಕರಿಬ್ಬರ ಮೇಲೆ ಹಲ್ಲೆ: ಪ್ರಮುಖ ಆರೋಪಿ ಸೆರೆ

ಲಕ್ನೋ : ಉತ್ತರ ಪ್ರದೇಶದ ಡಾಲಿಗಂಜ್‌ ಪ್ರದೇಶದಲ್ಲಿ ಒಣ ಹಣ್ಣುಗಳನ್ನು ಮಾರುತ್ತಿದ್ದ ಇಬ್ಬರು ಕಾಶ್ಮೀರಿ ತರುಣರ ಮೇಲೆ ಕೇಸರಿ ವಸ್ತ್ರಧಾರಿ ಸಮೂಹವೊಂದು ಹಲ್ಲೆ ನಡೆಸಿರವ ಘಟನೆ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು ಅದರ ಚಿತ್ರಿಕೆ ಈಗ ವೈರಲ್‌ ಆಗಿದೆ.

ನಿನ್ನೆ ಬುಧವಾರ ಸಂಜೆ ಡಾಲಿಗಂಜ್‌ ಸೇತುವೆ ಸಮೀಪ ಈ ಘಟನೆ ನಡೆಯಿತೆಂದು ತಿಳಿದು ಬಂದಿದೆ.

ಕೇಸರಿ ವಸ್ತ್ರ ಧಾರಿ ಸಮೂಹ ಕಾಶ್ಮೀರಿ ಯುವಕರಿಬ್ಬರ ಮೇಲೆ ದೊಣ್ಣೆಯಿಂದ ಹಲ್ಲೆ ನಡೆಸುತ್ತಿದ್ದುದನ್ನು ಕಂಡ ಸ್ಥಳೀಯರು ಒಡನೆಯೇ ಯುವಕರನ್ನು ರಕ್ಷಿಸಿ ಪೊಲೀಸರಿಗೆ ವಿಷಯ ತಿಳಿಸಿದರು. 

ಬಜರಂಜ್‌ ಸೋನಕಾರ್‌ ಎಂಬ ಪ್ರಮುಖ ಆರೋಪಿಯನ್ನು ಪೊಲೀಸರು ಬಂಧಿಸಿ ಎಫ್ಐಆರ್‌ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.