Advertisement

ಸ್ವಂತ ಟಾಯ್ಲಟ್‌ ಪೇಪರ್‌ ತನ್ನಿ! ಉದ್ಯೋಗಿಗಳಿಗೆ ಟ್ವಿಟರ್‌ ಮಾಲೀಕ ಎಲಾನ್‌ ಮಸ್ಕ್ ಸೂಚನೆ

09:59 PM Dec 31, 2022 | Team Udayavani |

ನ್ಯೂಯಾರ್ಕ್‌: ವೆಚ್ಚ ಕಡಿತದ ಹಿನ್ನೆಲೆಯಲ್ಲಿ ಟ್ವಿಟರ್‌ ಮಾಲೀಕ ಎಲಾನ್‌ ಮಸ್ಕ್ ತಮ್ಮ ಕಠಿಣ ಕ್ರಮಗಳನ್ನು ಮುಂದುವರಿಸಿದ್ದಾರೆ. ಈ ಬಾರಿ ಒಂದು ಹೆಜ್ಜೆ ಮುಂದೆ ಹೋಗಿರುವ ಅವರು, ಟ್ವಿಟರ್‌ ಕಚೇರಿಯ ಹಲವು ಹೌಸ್‌ ಕೀಪಿಂಗ್‌ ಸಿಬ್ಬಂದಿಯನ್ನು ಕೆಲಸದಿಂದ ವಜಾಗೊಳಿಸಿದ್ದಾರೆ. ಅಲ್ಲದೇ ತಮ್ಮ ಮನೆಯಿಂದಲೇ ಟಾಯ್ಲೆಟ್‌ ಪೇಪರ್‌ ತರುವಂತೆ ಉದ್ಯೋಗಿಗಳಿಗೆ ಕಂಪನಿ ಸೂಚಿಸಿದೆ.

Advertisement

ಈ ಕ್ರಮದಿಂದಾಗಿ ಟ್ವಿಟರ್‌ನ ಸ್ಯಾನ್‌ಫ್ರಾನ್ಸಿಸ್ಕೊ ಪ್ರಧಾನ ಕಚೇರಿ ಮತ್ತು ಸಿಯಾಟೆಲ್‌ ಕಚೇರಿಯ ಶೌಚಾಲಯಗಳು ನರಕಸದೃಶವಾಗಿವೆ. 4 ಅಂತಸ್ತಿತ ಕಚೇರಿಯ ಪೈಕಿ 2 ಅಂತಸ್ತುಗಳನ್ನು ಮುಚ್ಚಲಾಗಿದ್ದು, ಬಾಕಿ ಎರಡು ಅಂತಸ್ತುಗಳಲ್ಲಿ ಉದ್ಯೋಗಿಗಳನ್ನು ಕುರಿ ಮಂದೆಯಂತೆ ತುಂಬಿಸಲಾಗಿದೆ. ಹೌಸ್‌ ಕೀಪಿಂಗ್‌ ಸಿಬ್ಬಂದಿ ಕೊರತೆಯಿಂದ ಕ್ಯಾಂಟೀನ್‌ ಮತ್ತು ಶೌಚಾಲಯಗಳು ದುರ್ನಾತ ಬೀರುತ್ತಿವೆ ಎಂದು ಸ್ಥಳೀಯ ಸುದಿ ವಾಹಿನಿಗಳು ವರದಿ ಮಾಡಿವೆ.

ಡಿಸೆಂಬರ್‌ ಆರಂಭದಲ್ಲಿ ಯಾವುದೇ ಮುನ್ಸೂಚನೆ ನೀಡದೇ ಅನೇಕ ಹೌಸ್‌ ಕೀಪಿಂಗ್‌ ಸಿಬ್ಬಂದಿಯನ್ನು ಟ್ವಿಟರ್‌ ಕಂಪನಿಯು ಕೆಲಸದಿಂದ ವಜಾಗೊಳಿಸಿತ್ತು.

20 ಸಾವಿರ ಬಿಲಿಯನ್‌ ಡಾಲರ್‌ ನಷ್ಟ:
2021ರ ಜನವರಿಯಿಂದ ಇಲ್ಲಿಯವರೆಗೆ ಎಲಾನ್‌ ಮಸ್ಕ್ ತಮ್ಮ ಸಂಪತ್ತಿನಲ್ಲಿ ಬರೋಬ್ಬರಿ 20 ಸಾವಿರ ಬಿಲಿಯನ್‌ ಡಾಲರ್‌ ನಷ್ಟ ಅನುಭವಿಸಿದ್ದಾರೆ. ಈ ಮೂಲಕ ಸಂಪತ್ತಿನಲ್ಲಿ 20 ಸಾವಿರ ಬಿಲಿಯನ್‌ ಡಾಲರ್‌ ಕಳೆದುಕೊಂಡ ಮೊದಲಿಗರಾಗಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next