ಟ್ರೋಲ್‌ ತಡೆಗೆ ಕ್ರಮ

ಹೊಸದಿಲ್ಲಿ: ನಕಲಿ ಖಾತೆ, ಟ್ರೋಲ್‌ (ಟೀಕಿಸುವುದು) ಮಾಡುವುದನ್ನು ತಪ್ಪಿಸುವ ಉದ್ದೇಶದಿಂದ ಟ್ವಿಟರ್‌ “ಮೈ ವೋಟ್‌ ಟುಡೆ’ ಆ್ಯಪ್‌ ಅನ್ನು ಬ್ಲಾಕ್‌ ಮಾಡಿದೆ. ಇದರ ಜತೆಗೆ ಇನ್ನೂ ಹಲವಾರು ಖಾತೆಗಳ ಮೇಲೆ ನಿಷೇಧ ಹೇರಿದೆ. ಕೇವಲ ಭಾರತಕ್ಕೆ ಸಂಬಂಧಿಸಿದಂತೆ ಮಾತ್ರ ಈ ನಿಯಮ ಜಾರಿ ಮಾಡಿದೆ ಎಂದು ಸಂಸ್ಥೆಯ ವಕ್ತಾರ ಹೇಳಿದ್ದಾರೆ.

ತನಿಖೆಯ ಬಳಿಕ ಕೆಲವು ಖಾತೆಗಳು ಟ್ವಿಟರ್‌ ನಿಯಮ ಉಲ್ಲಂಘಿಸಿವೆ ಎಂದು ಗೊತ್ತಾದ ಬಳಿಕ ಈ ನಿರ್ಧಾರ ಕೈಗೊಳ್ಳಲಾಗಿವೆ ಎಂದು ಅವರು ಹೇಳಿದ್ದಾರೆ. ಇದೇ ವೇಳೆ ಕೇಂದ್ರ ಸರಕಾರದ ಎಚ್ಚರಿಕೆ ಬಳಿಕ ನಕಲಿ ಸುದ್ದಿ ತಡೆಯಲು ಅನುಕೂಲವಾಗುವಂತೆ ಪ್ರಮುಖ ಪತ್ರಿಕೆಗಳಲ್ಲಿ ವಾಟ್ಸ್‌ಆ್ಯಪ್‌ ಜಾಹೀರಾತು ನೀಡಿದೆ.