ವಿಟ್ಲ : ಮರ, ವಿದ್ಯುತ್‌ ಕಂಬ ರಸ್ತೆಗೆ; ಸಂಚಾರ ಅಸ್ತವ್ಯಸ್ತ

ವಿಟ್ಲ: ವಿಟ್ಲದ ಕನ್ಯಾನ-ಆನೆಕಲ್ಲು ರಸ್ತೆಯ, ಕನ್ಯಾನ ಗ್ರಾಮದ ಮಾರಾಟಿಮೂಲೆಯಲ್ಲಿ ಸೋಮವಾರ ಮರವೊಂದು ವಿದ್ಯುತ್‌ ಕಂಬದ ಮೇಲೆ ಬಿದ್ದು ಮರ, ಕಂಬ ರಸ್ತೆ ಮೇಲೆ ಬಿದ್ದ ಪರಿಣಾಮ ಸ್ವಲ್ಪ ಸಮಯ ವಾಹನ ಸಂಚಾರ ಸ್ಥಗಿತಗೊಂಡಿತು.

ಮಾರಾಟಿಮೂಲೆಯಲ್ಲಿ ದೀವಿಹಲಸಿನ ಮರ ಗಾಳಿ-ಮಳೆಗೆ ವಿದ್ಯುತ್‌ ತಂತಿಯ ಮೇಲೆ ಬಿದ್ದು, ವಿದ್ಯುತ್‌ ಕಂಬ ತುಂಡಾಗಿ ರಸ್ತೆಗೆ ಬಿದ್ದಿದೆ. ಪಕ್ಕದಲ್ಲೇ ಮನೆಯಿದ್ದು, ಯಾವುದೇ ಅಪಾಯವಿಲ್ಲದೇ ಪಾರಾಗಿದ್ದಾರೆ.
ವಾಹನಗಳನ್ನು ಕಣಿಯೂರು – ಮಿತ್ತನಡ್ಕ – ಕನ್ಯಾನ ರಸ್ತೆಯ ಮೂಲಕ ಕಳುಹಿಸಲಾಯಿತು. ನಾಗರಿಕರು ರಸ್ತೆ ಸಂಚಾರ ಸುಗಮಗೊಳಿಸಿದರು.

ಮರ ಬಿದ್ದು ಮಹಿಳೆ ಸಾವು
ಮಡಿಕೇರಿ: ಭಾರೀ ಗಾಳಿಗೆ ಮರ ಬಿದ್ದ ಪರಿಣಾಮ ಕಾರ್ಮಿಕ ಮಹಿಳೆ ಮೃತಪಟ್ಟ ಘಟನೆ ಮಡಿಕೇರಿ ಸಮೀಪದ ಕರ್ಣಂಗೇರಿಯ ತೋಟವೊಂದರಲ್ಲಿ ನಡೆದಿದೆ. ಪ್ರಕಾಶ್‌ ಎಂಬುವವರ ಪತ್ನಿ ಬೇಬಿ ಅವರೇ ಮೃತ ದುರ್ದೈವಿ.