ರೈಲಿನಲ್ಲಿ ಮತ್ತೆ ಹಿರಿಯ ನಾಗರಿಕರಿಗೆ ರಿಯಾಯಿತಿ?

ನವದೆಹಲಿ: ರೈಲ್ವೆಯಲ್ಲಿ ಕೊರೊನಾ ಸಾಂಕ್ರಾಮಿಕಕ್ಕೂ ಮೊದಲು ಹಿರಿಯ ನಾಯಕರಿಗೆ ಟಿಕೆಟ್‌ ದರದಲ್ಲಿ ನೀಡಲಾಗುತ್ತಿದ್ದ ರಿಯಾಯಿತಿಯನ್ನು ಪುನರಾರಂಭಿಸಲು ಇಲಾಖೆಯು ಚಿಂತನೆ ನಡೆಸುತ್ತಿದೆ.

ಆದರೆ ಈ ಬಾರಿ ಎಸಿ ಅಲ್ಲದ ರೈಲುಗಳ ಸ್ಲೀಪರ್ ಮತ್ತು ಜನರಲ್‌ ಟಿಕೆಟ್‌ಗಳಿಗೆ ಮಾತ್ರವೇ ರಿಯಾಯಿತಿ ನೀಡಲು ಚಿಂತನೆ ನಡೆಸಲಾಗಿದೆ. ಹಾಗೆಯೇ ರಿಯಾಯಿತಿಗೆ ಅರ್ಹರ ವಯಸ್ಸನ್ನು 70 ವರ್ಷಕ್ಕೆ ಪರಿಷ್ಕರಿಸುವುದಾಗಿಯೂ ಹೇಳಲಾಗಿದೆ.

ಈ ಹಿಂದೆ 58 ವರ್ಷ ಮೇಲ್ಪಟ್ಟ ಮಹಿಳೆಯರು ಹಾಗೂ 60 ವರ್ಷ ಮೇಲ್ಪಟ್ಟ ಪುರುಷರಿಗೆ ರಿಯಾಯಿತಿ ಕೊಡಲಾಗುತ್ತಿತ್ತು. ಮಹಿಳೆಯರಿಗೆ ಶೇ.50 ಹಾಗೂ ಪುರುಷರಿಗೆ ಶೇ.40 ರಿಯಾಯಿತಿ ನೀಡಲಾಗುತ್ತಿತ್ತು.