“ಆರ್‌ ಎಚ್‌100′ – ಹೀಗೊಂದು ಸಿನಿಮಾ ಬಿಡುಗಡೆಯ ಹಂತಕ್ಕೆ ಬಂದಿದೆ. ಈ ಚಿತ್ರ ಡಿಸೆಂಬರ್‌ 18 ರಂದು ತೆರೆಕಾಣುತ್ತಿದ್ದು, ಮೊದಲ ಹಂತವಾಗಿ ಚಿತ್ರತಂಡ, ಟ್ರೇಲರ್ ಬಿಡುಗಡೆ ಮಾಡಿದೆ.
ಈ ಚಿತ್ರವನ್ನು ಎಸ್‌.ಎಲ್.ಎಸ್‌ ಪ್ರೊಡಕ್ಷನ್ಸ್‌ನಡಿ ಹರೀಶ್‌ಕುಮಾರ್‌. ಎಲ್ ನಿರ್ಮಿಸಿದ್ದು, ಮಹೇಶ್‌ ಎಂ.ಸಿ ಕಥೆ, ಚಿತ್ರಕಥೆ ಮತ್ತು ಸಂಭಾಷಣೆ ಬರೆದು ನಿರ್ದೇಶನ ಮಾಡಿದ್ದಾರೆ. ಚಿತ್ರದ ಬಗ್ಗೆ ಮಾತನಾಡುವ ನಿರ್ದೇಶಕ ಮಹೇಶ್‌, “ನಮ್ಮ ಚಿತ್ರ ಡಿಸೆಂಬರ್‌ 18 ರಂದು ಬಿಡುಗಡೆಯಾಗುತ್ತಿದೆ. ಚಿತ್ರಕ್ಕೆ ಸೆನ್ಸಾರ್‌ ಮಂಡಳಿಯಿಂದ “ಎ’ ಪ್ರಮಾಣ ಪತ್ರ ಸಿಕ್ಕಿದೆ. ಚಿತ್ರದ ಟೈಟಲ್‌ ಕೇಳಿದವರು “ಆರ್‌ಎಚ್‌ 100′ ಎಂದರೇನು ಎಂದು ಕೇಳುತ್ತಿದ್ದಾರೆ. ಟೈಟಲ್‌ ರಹಸ್ಯ ಸಿನಿಮಾ ನೋಡಿದಾಗ ಗೊತ್ತಾಗುತ್ತದೆ’ ಎಂದಷ್ಟೇ ಹೇಳಿದರು.
ಇದನ್ನೂ ಓದಿ : ಡಿ.18ಕ್ಕೆ ನಾನೊಂಥರ ರಿಲೀಸ್
38 ದಿನಗಳ ಕಾಲ ಬೆಂಗಳೂರು ಮತ್ತು ಕೊಡಚಾದ್ರಿಯಲ್ಲಿ ಚಿತ್ರದ ಬಹುಪಾಲು ಶೂಟಿಂಗ್ ಮಾಡಲಾಗಿದೆ. ಚಿತ್ರಕ್ಕೆ ಮನೋಜ್‌ ಹಾಗೂ ಸಿದ್ದುಕೋಡಿರ್ಪು ಹಾಡುಗಳನ್ನು ಬರೆದಿದ್ದು, ಮೆಲ್ವಿನ್‌ ಮೈಕಲ್‌ ಸಂಗೀತ ನೀಡಿದ್ದಾರೆ.ಸಂಜಿತ್‌ ಹೆಗ್ಡೆ, ಅನುರಾಧ ಭಟ್‌, ಸಿದ್ದಾರ್ಥ್ ಬೆಲ್‌ ಮನು ಅವರಕಂಠಸಿರಿಯಲ್ಲಿ ಈ ಚಿತ್ರದ ಹಾಡುಗಳು ಮೂಡಿಬಂದಿವೆ.
ಚಿತ್ರಕ್ಕೆಕೃಷ್ಣ ಛಾಯಾಗ್ರಹಣ, ಸಿ.ರವಿಚಂದ್ರನ್‌ ಸಂಕಲನ ಹಾಗೂ ಕುಂಫ್ಫು ಚಂದ್ರು ಸಾಹಸ ನಿರ್ದೇಶನ ಮಾಡಿದ್ದಾರೆ. ಗಣೇಶ್, ಹರ್ಷ. ಚಿತ್ರ,ಕಾವ್ಯ, ಸೋಮ್‌ ಸುಹಿತ್‌ ಮುಂತಾದವರು ಚಿತ್ರದಲ್ಲಿದ್ದಾರೆ.
