Advertisement

ವಾಷಿಂಗ್ಟನ್‌: ಟೂರಿಸ್ಟ್‌, ಬ್ಯುಸಿನೆಸ್‌ ವೀಸಾದಾರರಿಗೂ ಉದ್ಯೋಗ

11:01 PM Mar 23, 2023 | Team Udayavani |

ವಾಷಿಂಗ್ಟನ್‌: ಪ್ರವಾಸಿ ವೀಸಾ ಅಥವಾ ಬ್ಯುಸಿನೆಸ್‌ ವೀಸಾದಲ್ಲಿ ಅಮೆರಿಕಕ್ಕೆ ತೆರಳುವವರಿಗೆ ಅಲ್ಲಿನ ಸರ್ಕಾರ ಸ್ವಾಗತಾರ್ಹ ಸುದ್ದಿಯೊಂ­ದನ್ನು ನೀಡಿದೆ. ಇನ್ನು ಮುಂದೆ ಬಿ-1 ಮತ್ತು ಬಿ-2 ವೀಸಾದಲ್ಲಿ ಅಮೆರಿಕಕ್ಕೆ ಹೋದವರು ಕೂಡ ಅಲ್ಲಿ ಹೊಸ ಉದ್ಯೋಗಕ್ಕೆ ಅರ್ಜಿ ಸಲ್ಲಿಸಿ, ಸಂದರ್ಶ­ನ­ದಲ್ಲೂ ಭಾಗಿಯಾಗಬಹುದು ಎಂದು ಅಮೆರಿಕ ಸರ್ಕಾರ ಘೋಷಿಸಿದೆ.

Advertisement

ಐಟಿ ಕಂಪನಿಗಳ ಉದ್ಯೋಗ ಕಡಿತ ನಿರ್ಧಾರದಿಂದಾಗಿ ಭಾರತೀಯರು ಸೇರಿದಂತೆ ಅತ್ಯಧಿಕ ಕೌಶಲ್ಯವಿರುವ ಸಾವಿರಾರು ವಿದೇಶಿ ಉದ್ಯೋಗಿಗಳು ಉದ್ಯೋಗವಿಲ್ಲದೇ ಸಂಕಷ್ಟದಲ್ಲಿರುವಂಥ ಸಂದರ್ಭದಲ್ಲೇ ಈ ಘೋಷಣೆ ಹೊರಬಿದ್ದಿದೆ. ಈವರೆಗೆ ಬ್ಯುಸಿನೆಸ್‌ ಅಥವಾ ಟೂರಿಸ್ಟ್‌ ವೀಸಾದಲ್ಲಿ ಹೋದವರಿಗೆ ಅಲ್ಲಿ ಕೆಲಸ ಮಾಡಲು ಅವಕಾಶವಿರಲಿಲ್ಲ. ಆದರೆ, ಈಗ ಈ ನಿಯಮದಲ್ಲಿ ಮಹತ್ವದ ಬದಲಾವಣೆ ತರಲಾಗಿದ್ದು, ಇಂಥ ವೀಸಾಗಳ ಮೂಲಕ ಅಮೆರಿಕಕ್ಕೆ ಹೋದವರು ಕೂಡ ಹೊಸ ಉದ್ಯೋಗಕ್ಕೆ ಅರ್ಜಿ ಸಲ್ಲಿಸಿ, ಸಂದರ್ಶನ ಎದುರಿಸಬಹುದು ಎಂದು ಅಮೆರಿಕ ಪೌರತ್ವ ಮತ್ತು ವಲಸೆ ಸೇವೆಗಳ ವಿಭಾಗ ಹೇಳಿದೆ. ಆದರೆ, ಈ ರೀತಿ ಉದ್ಯೋಗ ಪಡೆದವರು ಹೊಸ ಕೆಲಸಕ್ಕೆ ಹಾಜರಾಗುವ ಮುನ್ನ ತಮ್ಮ ವೀಸಾ ಸ್ಟೇಟಸ್‌ ಅನ್ನು ಬದಲಾವಣೆ ಮಾಡಿಕೊಳ್ಳಬೇಕು ಎಂಬ ಷರತ್ತನ್ನು ವಿಧಿಸಲಾಗಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next