ಪೇಶಾವರ : ವಾಯವ್ಯ ಪಾಕಿಸ್ತಾನದ ಪೇಶಾವರ ನಗರದಲ್ಲಿ ಚುನಾವಣಾ ಪ್ರಚಾರ ಸಭೆಯಲ್ಲಿ ತಾಲಿಬಾನ್‌ ಉಗ್ರರು ನಡೆಸಿರುವ ಆತ್ಮಾಹುತಿ ಬಾಂಬ್‌ ದಾಳಿಗೆ ಹಿರಿಯ ಆವಾಮಿ ನ್ಯಾಶನಲ್‌ ಪಾರ್ಟಿ ನಾಯಕ ಸೇರಿದಂತೆ ಕನಿಷ್ಠ 20 ಮಂದಿ ಬಲಿಯಾಗಿದ್ದಾರೆ; 30ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ.
Advertisement
ಪಾಕಿಸ್ಥಾನದಲ್ಲಿ ಇದೇ ಜು.25ರಂದು ಮಹಾ ಚುನಾವಣೆಗಳು ನಡೆಯಲಿದ್ದು ಅದಕ್ಕೆ ಮುನ್ನ ಚುನಾವಣಾ ರಾಲಿ ಮೇಲೆ ಉಗ್ರರಿಂದ ನಡೆದಿರುವ ಎರಡನೇ ಆತ್ಮಾಹುತಿ ಬಾಂಬ್‌ ದಾಳಿ ಇದಾಗಿದೆ.
ಪೇಶಾವರ ನಗರದ ಪಿಕೆ-78ನೇ ಕ್ಷೇತ್ರದಿಂದ ಸ್ಪರ್ಧಿಸುತ್ತಿರುವ ಎಎನ್‌ಪಿ ನಾಯಕ ಹರೂನ್‌ ಬಿಲೋರ್‌ ಅವರು ಆಯಕಟ್ಟಿನ ಯಾಕತೂತ್‌ ಪ್ರದೇಶದ ಮೂಲೆಯೊಂದರಲ್ಲಿ ತಮ್ಮ ಪಕ್ಷದ ಕಾರ್ಯಕರ್ತರೊಂದಿಗೆ ಸಮಾಲೋಚನೆ ನಡುಸುತ್ತಿರುವಾಗ ನಿನ್ನೆ ಮಧ್ಯರಾತ್ರಿಯ ವೇಳೆಗೆ ಈ ನ್ಪೋಟ ನಡೆದಿದೆ.
ಬಿಲೋರ್‌ ಅವರ ವಾಹನ ಇದ್ದಲ್ಲೇ ಸ್ಫೋಟ ಸಂಭವಿಸಿದೆ. ಇವರು ದಿವಂಗತ ಎಎನ್‌ಪಿ ನಾಯಕ ಬಶೀರ್‌ ಬಿಲೋರ್‌ ಅವರ ಪುತ್ರ.ಇವರು ಕೂಡ ತಾಲಿಬಾನ್‌ ಬಾಂಬ್‌ ದಾಳಿಯಲ್ಲೇ 2012ರಲ್ಲಿ ಅಸುನೀಗಿದ್ದರು.