Advertisement

ಕ್ಯೂಟ್‌ ಜೋಡಿ ಮೋಡಿಗೆ ರೆಡಿ! ಟಾಮ್‌ ಅಂಡ್‌ ಜೆರ್ರಿ ಇಂದು ತೆರೆಗೆ

11:11 AM Nov 12, 2021 | Team Udayavani |

ರಾಘವ್‌ ವಿನಯ್‌ ಶಿವಗಂಗೆ ನಿರ್ದೇಶನ ಮಾಡಿರುವ “ಟಾಮ್‌ ಆಂಡ್‌ ಜೆರ್ರಿ’ ಚಿತ್ರ ಈ ವಾರ ತೆರೆಗೆ ಬರುತ್ತಿದೆ. ನಿಶ್ಚಿತ್‌ ಕೊರೋಡಿ ಮತ್ತು ಚೈತ್ರಾ ರಾವ್‌ ಜೋಡಿಯಾಗಿ ಕಾಣಿಸಿಕೊಂಡಿರುವ “ಟಾಮ್‌ ಅಂಡ್‌ ಜೆರ್ರಿ’ಯಲ್ಲಿ ತಾರಾ ಅನುರಾಧಾ, ಜೈ ಜಗದೀಶ್‌, ಕೋಟೆ ಪ್ರಭಾಕರ್‌, ಸೂರ್ಯ ಶೇಖರ್‌ ಮೊದಲಾದವರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.

Advertisement

ಇನ್ನು ಕಾರ್ಟೂನ್‌ ಆಗಿ “ಟಾಮ್‌ ಅಂಡ್‌ ಜೆರ್ರಿ’ ಚಿಣ್ಣರಿಗೆ ಇಷ್ಟವಾಗಿರುವಂತೆ, ಸಿನಿಮಾವಾಗಿ “ಟಾಮ್‌ ಅಂಡ್‌ ಜೆರ್ರಿ’ ದೊಡ್ಡವರಿಗೆ ಇಷ್ಟವಾಗಲಿದೆ ಎನ್ನುವುದು ಚಿತ್ರತಂಡದ ಮಾತು. ಇನ್ನು ಚಿತ್ರದಲ್ಲಿ “ಟಾಮ್‌ ಅಂಡ್‌ ಜೆರ್ರಿ’ಯಂಥದ್ದೇ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ನಿಶ್ಚಿತ್‌ ಮತ್ತು ಚೈತ್ರಾ ರಾವ್‌ ತೆರೆಮೇಲೆ ಕಿತ್ತಾಟ, ಗುದ್ದಾಟ, ಮುದ್ದಾಟ ಎಲ್ಲವನ್ನೂ ಮಾಡಲಿದ್ದಾರಂತೆ.

ಚಿತ್ರದಲ್ಲಿ ತಮ್ಮ ಪಾತ್ರದ ಬಗ್ಗೆ ಮಾತನಾಡುವ ನಿಶ್ಚಿತ್‌, “ಟಾಮ್‌ ಅಂಡ್‌ ಜೆರ್ರಿ’ ಸಿನಿಮಾದಲ್ಲಿ ಎಲ್ಲಾ ಮಧ್ಯಮವರ್ಗದ ಹುಡುಗರನ್ನು ಪ್ರತಿನಿಧಿಸುವ ಧರ್ಮ ಎನ್ನುವ ಪಾತ್ರ ನನ್ನದು. ಜೀವನದಲ್ಲಿ ಏನಾದ್ರೂ ಸಾಧಿಸಬೇಕು ಎಂಬ ಛಲ ಮತ್ತು ಕಾನ್ಫಿಡೆನ್ಸ್‌ ಇರುವಂಥ ಹುಡುನಿಗೆ ಎದುರಾಗುವ ಹುಡುಗಿಯೊಬ್ಬಳು ಹೇಗೆಲ್ಲ ಅವನ ಮೇಲೆ ಪರಿಣಾಮ ಬೀರುತ್ತಾಳೆ ಅನ್ನೋದು ನನ್ನ ಪಾತ್ರ. ತುಂಬ ಸ್ಟ್ರಾಂಗ್‌ ಆಗಿರುವಂಥ, ನೋಡುಗರಿಗೆ ಇಷ್ಟವಾಗುವಂಥ ಪಾತ್ರ’ ಎನ್ನುತ್ತಾರೆ.

ಇದನ್ನೂ ಓದಿ:ಮನೆಯಲ್ಲಿಯೇ ಇದ್ರೆ ಮಕ್ಕಳ ಸಂಖ್ಯೆ ಜಾಸ್ತಿಯಾಗುತ್ತೆ ಅನ್ನೋ ಭಯ : ಸೈಫ್ ಅಲಿಖಾನ್

ನಟಿ ಚೈತ್ರಾ ರಾವ್‌ ಮಾತನಾಡಿ, “ಈ ಸಿನಿಮಾದಲ್ಲಿ ಸತ್ಯ ಎನ್ನುವ ಹುಡುಗಿಯ ಪಾತ್ರ ನನ್ನದು. ಎನ್‌ ಜಿಒ ಒಂದರಲ್ಲಿ ಕೆಲಸ ಮಾಡುವ ಮತ್ತು ಯಾವಾಗಲೂ ಸ್ವತಂತ್ರವಾಗಿರಲು ಬಯಸುವ ಹುಡುಗಿಯಾಗಿರುತ್ತಾಳೆ. ಯಾವುದಕ್ಕೂ ತುಂಬ ತಲೆಕೆಡಿಸಿಕೊಳ್ಳದ, ಇಂದಿನ ಜೀವನ ಇಂದಿಗೆ ಎಂದುಕೊಂಡಿರುವ ಹುಡುಗಿಯ ಪಾತ್ರ ನನ್ನದು. ನಿಜ ಜೀವನದಲ್ಲಿ ನನ್ನಗೆ ತದ್ವಿರುದ್ದವಾಗಿರುವಂಥ ಪಾತ್ರ ಈ ಸಿನಿಮಾದಲ್ಲಿ ಸಿಕ್ಕಿದೆ’ ಎನ್ನುತ್ತಾರೆ .

Advertisement

“ರಿದ್ಧಿ ಸಿದ್ಧಿ ಫಿಲಂಸ್‌’ ಬ್ಯಾನರ್‌ನಲ್ಲಿ ರಾಜು ಶೇರಿಗಾರ್‌ ನಿರ್ಮಿಸಿರುವ “ಟಾಮ್‌ ಅಂಡ್‌ ಜೆರ್ರಿ’ ಚಿತ್ರದ ಟ್ರೇಲರ್‌, ಹಾಡುಗಳು ಈಗಾಗಲೇ ದೊಡ್ಡ ಮಟ್ಟದಲ್ಲಿ ಸೌಂಡ್‌ ಮಾಡುತ್ತಿದೆ

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next