ಟೋಕಿಯೋ ಒಲಿಂಪಿಕ್ಸ್‌: ಭಾರತೀಯರಿಗೆ ಕಿವೀಸ್‌, ನೆದರ್ಲೆಂಡ್‌ ಮೊದಲ ಎದುರಾಳಿ

ಟೋಕಿಯೋ: ಮುಂದಿನ ವರ್ಷ ನಡೆಯಲಿರುವ ಟೋಕಿಯೋ ಒಲಿಂಪಿಕ್ಸ್‌ ಹಾಕಿ ಸ್ಪರ್ಧೆ ವೇಳಾಪಟ್ಟಿಯನ್ನು ಅಂತಾರಾಷ್ಟ್ರೀಯ ಹಾಕಿ ಒಕ್ಕೂಟ (ಎಫ್ಐಎಚ್‌) ಮಂಗಳವಾರ ಪ್ರಕಟಿಸಿದೆ.

ಗುಂಪು ‘ಎ’ ನಲ್ಲಿ ಭಾರತ ಪುರುಷರ ತಂಡ ಸ್ಥಾನ ಪಡೆದಿದ್ದು ಮೊದಲ ಸೆಣಸಾಟದಲ್ಲಿ ಪ್ರಬಲ ನ್ಯೂಜಿಲೆಂಡ್‌ ವಿರುದ್ಧ ಪೈಪೋಟಿಗಿಳಿಯಲಿದೆ. ಭಾರತೀಯ ಮಹಿಳಾ ತಂಡವೂ ಗುಂಪು ‘ಎ’ ವಿಭಾಗದಲ್ಲಿ ಸ್ಥಾನ ಪಡೆದಿದ್ದು ನೆದರ್ಲೆಂಡ್‌ ವಿರುದ್ಧ ಮೊದಲ ಪಂದ್ಯದಲ್ಲಿ ಸೆಣೆಸಲಿದೆ. ಈ ಎರಡೂ ಪಂದ್ಯಗಳು ಜು.25ರಂದು ನಡೆಯಲಿದೆ.

ಉಳಿದಂತೆ ಪುರುಷರ ‘ಎ’ ಬಣದ ಇನ್ನುಳಿದ ಪಂದ್ಯಗಳಲ್ಲಿ ಭಾರತವು ಸ್ಪೇನ್‌ (ಜು. 28), ಹಾಲಿ ಚಾಂಪಿಯನ್‌ ಅರ್ಜೆಂಟೀನಾ (ಜು. 30) ಮತ್ತು ಆತಿಥೇಯ ಜಪಾನ್‌ (ಜು. 31) ತಂಡದ ವಿರುದ್ಧ ಸೆಣಸಲಿದೆ.

ಮಹಿಳಾ ತಂಡವು ಕ್ರಮವಾಗಿ ಜರ್ಮನಿ (ಜು. 27), ಇಂಗ್ಲೆಂಡ್‌ (ಜು. 27) ಐರ್ಲೆಂಡ್ (ಜು. 31) ಮತ್ತು ದಕ್ಷಿಣ ಆಫ್ರಿಕಾ ತಂಡಗಳನ್ನು ಎದುರಿಸಲಿದೆ.