ಈ ರಾಶಿಯವರಿಗೆ ಹಣಕಾಸಿಗೆ ಸಂಬಂಧಪಟ್ಟ ಸಮಸ್ಯೆ ಕೊನೆಗೊಳ್ಳುವ ಸೂಚನೆ!

06-12-2020

ಮೇಷ: ಕೌಟುಂಬಿಕವಾಗಿ ಹಾಗೂ ಸಾಂಸಾರಿಕವಾಗಿ ಸಮಾಧಾನಕರವಾದ ದಿನಗಳಿವು. ಯೋಜನಾಬದ್ಧ ಕಾರ್ಯತಂತ್ರಗಳು ಸಫ‌ಲವಾಗಲಿದೆ. ನೀವು ಇಚ್ಛಿಸಿದ ನಿರ್ಧಾರಗಳ ಅನುಷ್ಠಾನವು ಸಫ‌ಲವಾಗಲಿದೆ.

ವೃಷಭ: ಉದ್ಯೋಗ, ವ್ಯವಹಾರಗಳಲ್ಲಿ ತುಂಬಾ ಮುನ್ನಡೆ ಸಾಧಿಸಲಿದ್ದೀರಿ. ವಿಶೇಷವಾದ ಕಾರ್ಯಪ್ರವೃತ್ತಿಯಿಂದ ಆರ್ಥಿಕ ಕಾರ್ಯವನ್ನು ಮುನ್ನಡೆಸಲು ಯತ್ನಿಸಿದಲ್ಲಿ ಜಯ ಪಡೆಯುವಿರಿ.

ಮಿಥುನ: ಕ್ರಯ ವಿಕ್ರಯ ಕಾರ್ಯದಲ್ಲಿ ಪ್ರಗತಿ ಇದೆ. ನಿರುದ್ಯೋಗಿಗಳಿಗೆ ಉದ್ಯೋಗದ ಶುಭ ಸಮಾಚಾರ ಸಿಗಲಿದೆ. ಗೃಹಿಣಿಗೆ ಇಷ್ಟ ಕಾರ್ಯ, ಸಂತೋಷ ಸಿಗಲಿದೆ. ಭಡ್ತಿಯು ದೊರಕಿ ಪರ ಊರಿಗೆ ವರ್ಗಾವಣೆ.

ಕರ್ಕ: ದೈಹಿಕ ಶ್ರಮದ ಕಾರ್ಯ ದಿಂದ ನಿಮ್ಮ ಪ್ರಯತ್ನವು ಸಫ‌ಲವಾಗಲಿದೆ. ಗೃಹ ವಿವಾದಕ್ಕೆ ಯಶಸ್ವೀ ಪರಿಹಾರದ ರೂಪಣೆಯಿಂದ ಮುಕ್ತಿ ಸಿಗಲಿದೆ. ಮರೆವು, ಅಜಾಗರೂಕತೆಯಿಂದ ನಷ್ಟ ಸಂಭವಿಸಲಿದೆ.

ಸಿಂಹ: ಯೋಚಿಸಿದ ಕಾರ್ಯಗಳ ಅನುಷ್ಠಾನಕ್ಕೆ ಪೂರಕವಾದ ವಾತಾವರಣ ನಿಮಗೆ ಎದುರಾಗಲಿದೆ. ಪ್ರೀತಿಯ ಮಿತ್ರರ ಆಗಮನದಿಂದ ಮನೆಯಲ್ಲಿ ಸಂತಸದ ವಾತಾವರಣ. ವಿದ್ಯಾರ್ಥಿಗಳಿಗೆ ಪ್ರಯತ್ನ ಅಗತ್ಯ.

ಕನ್ಯಾ: ಅನಗತ್ಯ ತಪ್ಪು ನಿರ್ಧಾರಗಳಿಂದ ವಿಚಲಿತರಾಗುವ ಸನ್ನಿವೇಶಗಳು ಎದುರಾಗಲಿದೆ. ಅನ್ಯರ ವ್ಯವಹಾರದಲ್ಲಿ ಹಸ್ತಕ್ಷೇಪ ಮಾಡಬೇಕಾದ ಸಂದಿಗ್ಧ ಪರಿಸ್ಥಿತಿಯಿಂದ ಪಾರಾಗಲು ಯತ್ನಿಸಿರಿ. ಜಾಗ್ರತೆ.

ತುಲಾ: ಬಹುತೇಕ ಕೆಲಸ ಕಾರ್ಯಗಳು ನಿಮ್ಮೆಣಿಕೆಯಂತೆ ಸಾಗಲಿದೆ ಪಾಲುಗಾರಿಕೆಯ ವ್ಯವಹಾರದಲ್ಲಿ ತುಂಬಾ ಲಾಂಭಾಂಶವು ದೊರಕಲಿದೆ. ಹಣಕಾಸಿನ ವಿಚಾರದಲ್ಲಿ ಜಾಗ್ರತೆ ಪ್ರವೃತ್ತಿ ನಿಮಗೆ ಅತ್ಯವಶ್ಯವಾಗಲಿದೆ.

ವೃಶ್ಚಿಕ: ಒತ್ತಡ ಪ್ರಭಾವಗಳ ವರ್ತುಲದಲ್ಲಿ ಸ್ವಹಿತ ಕಾಪಾಡಿಕೊಳ್ಳಲಾಗದಂತ ಸನ್ನಿವೇಶವೊಂದು ಎದುರಾಗುವ ಸಂಭವವಿದೆ. ದ್ವಂದ್ವ ನಿಲುವು, ಪ್ರಬಲ ವಿರೋಧ ಪ್ರತಿಕೂಲ ಪರಿಸ್ಥಿತಿ ಉಂಟಾಗಲಿದೆ.

ಧನು: ವೃತ್ತಿರಂಗದಲ್ಲಿ ನಿರೀಕ್ಷಿತ ಬಾಹ್ಯ ನೆರವು ಲಭ್ಯವಾಗಲಿದೆ. ವಿಪರೀತ ಕಾರ್ಯ ಒತ್ತಡವು ಭಾವಾವೇಶಕ್ಕೆ ಒಳಗಾಗುವಂತಾದೀತು. ಹಣಕಾಸಿನ ವ್ಯವಹಾರವೊಂದು ಎದುರಾಗಲಿದೆ. ಬಳಲಿಕೆಯಾದೀತು.

ಮಕರ: ಹಣಕಾಸಿಗೆ ಸಂಬಂಧಪಟ್ಟ ಸಮಸ್ಯೆಯೊಂದು ಕೊನೆಗೊಳ್ಳುವ ಸೂಚನೆ ಕಂಡು ಬರಲಿದೆ. ಪಾಲುಗಾರಿಕೆ ಕಾರ್ಯದಲ್ಲಿ ಯಶಸ್ಸು ನಿಮ್ಮನ್ನು ಸಂತುಷ್ಟ ರನ್ನಾಗಿಸಲಿದೆ. ದಿಟ್ಟತನದ ನಿರ್ಧಾರವು ಕಾರ್ಯರೂಪಕ್ಕೆ ಬರಲಿದೆ.

ಕುಂಭ: ನಿಮ್ಮ ಹೆಚ್ಚಿನ ಸಮಯವನ್ನು ಕಾರ್ಯಾನುಕೂಲಕ್ಕೆ ಗಮನಹರಿಸಿರಿ. ವದಂತಿಗಳಿಗೆ ತಲೆಕೊಡದಿರಿ. ಇಚ್ಛಿತ ಸ್ಥಾನ ಪ್ರಾಪ್ತಿಗಾಗಿ ಧನವ್ಯಯವು ಕಂಡು ಬರಲಿದೆ. ಆರೋಗ್ಯದಲ್ಲಿ ಸುಧಾರಣೆಯು ಕಂಡುಬರಲಿದೆ.

ಮೀನ: ಉದ್ಯೋಗ, ವ್ಯವಹಾರದಲ್ಲಿ ತುಂಬಾ ಮುನ್ನಡೆ ಸಾಧಿಸಲಿದ್ದೀರಿ. ವಿಶೇಷವಾದ ಕಾರ್ಯಪ್ರವೃತ್ತಿಯಿಂದ ಉನ್ನತ ಸ್ಥಾನ ಗಳಿಸಲಿದ್ದೀರಿ. ದುಡುಕಿನ ವರ್ತನೆಯಿಂದ ವಂಚನೆಗೆ ಒಳಗಾಗದಂತೆ ಜಾಗ್ರತೆ ವಹಿಸಿರಿ.

ಎನ್.ಎಸ್.ಭಟ್