ಇಂದಿನ ಗ್ರಹಬಲ: ಈ ರಾಶಿಯವರಿಂದು ಆದಷ್ಟು ಪ್ರಯಾಣವನ್ನು ಕಡಿಮೆ ಮಾಡಿದರೆ ಉತ್ತಮ!

11-03-2021

ಮೇಷ: ಆರ್ಥಿಕವಾಗಿ ಧನದಾಯವು ಉತ್ತಮವಿದ್ದು ವ್ಯಾಪಾರ, ವ್ಯವಹಾರಗಳು ಅಭಿವೃದ್ಧಿ ಪಥದಲ್ಲಿ ಸಾಗಲಿವೆ. ಸಾಂಸಾರಿಕವಾಗಿ ಪತ್ನಿಯ ಆರೋಗ್ಯದಲ್ಲಿ ಏರುಪೇರು ಕಾಣಿಸಲಿದೆ. ವೃತ್ತಿರಂಗದಲ್ಲಿ ಎಲ್ಲವನ್ನೂ ಪ್ರಶಾಂತವಾಗಿ ಅನುಭವಿಸಿರಿ.

ವೃಷಭ: ಆರೋಗ್ಯಭಾಗ್ಯವು ಸುಧಾರಿಸುತ್ತಾ ಹೋದರೂ ದಿನಕ್ಕೊಂದು ತರಹ ರೀತಿಯಲ್ಲಿ ಕಿರಿಕಿರಿ ಕಂಡುಬಂದೀತು. ರಾಹುವು ಅನೇಕ ರೂಪದಲ್ಲಿ ಕಾಡುವನು. ವೃತ್ತಿನಿರತರಿಗೆ ಆಕಸ್ಮಿಕವಾಗಿ ಮುಂಭಡ್ತಿ ಹಾಗೂ ವರ್ಗಾವಣೆಯನ್ನು ತಂದೀತು.

ಮಿಥುನ: ಆರ್ಥಿಕವಾಗಿ ಧನದಾಯವು ಉತ್ತಮವಿದ್ದು, ವ್ಯಾಪಾರ, ವ್ಯವಹಾರವು ಶ್ರೇಯೋಭಿವೃದ್ಧಿಯತ್ತ ಸಾಗಲಿದೆ. ಆರೋಗ್ಯದಲ್ಲಿ ಸ್ವಲ್ಪ ಏರುಪೇರು ಕಾಣಿಸಿದರೂ ಚಿಂತೆ ಅನಾವಶ್ಯಕ. ಮನೆಯಲ್ಲಿ ಮಂಗಲ ಕಾರ್ಯದ ಸಂಭ್ರಮವಿದೆ.

ಕರ್ಕ: ಆದಷ್ಟು ಪ್ರಯಾಣವನ್ನು ಕಡಿಮೆ ಮಾಡಿದರೆ ಉತ್ತಮ. ವ್ಯಾಪಾರ, ವ್ಯವಹಾರದಲ್ಲಿ ಈಗ ಹೂಡಿಕೆ ಸರಿಯಲ್ಲ. ನ್ಯಾಯಾಲಯದ ವಿಚಾರದಲ್ಲಿ, ಉತ್ತಮ ಫ‌ಲಿತಾಂಶ ಕಂಡುಬರಲಿದೆ. ಎಲ್ಲವನ್ನೂ ಸಮಾನಾಗಿ ಸ್ವೀಕರಿಸಿದರೆ ಸಂತಸವಿದೆ.

ಸಿಂಹ: ಅವಿವಾಹಿತರಿಗೆ ವೈವಾಹಿಕ ಸಂಬಂಧಗಳು ಒದಗಿ ಬಂದು ಕಂಕಣಬಲದ ಯೋಗ ಕೂಡಿಬರುವುದು. ರಾಜಕೀಯದವರಿಗೆ ಏರು, ಇಳಿತ ಇದ್ದದ್ದೇ. ಇಡೀ ದಿನ ಕೆಲಸಕಾರ್ಯಗಳಲ್ಲಿ ತೊಡಗಿಸಿಕೊಂಡು ಬಿಡುವೇ ಇರದು.

ಕನ್ಯಾ: ಧನ ಸಂಗ್ರಹವು ಉತ್ತಮವಿದ್ದು ನಾನಾ ರೀತಿಯಲ್ಲಿ ಸಂತಸ, ಸಮಾಧಾನ ತುಂಬಿ ತುಳುಕುವ ಜೀವನ ನಿಮ್ಮದು. ಎಲ್ಲಾ ರೀತಿಯಲ್ಲಿ ಕಾರ್ಯಾನುಕೂಲವಾಗುವುದು. ವೃತ್ತಿರಂಗದಲ್ಲಿ ಸಹೋದ್ಯೋಗಿಗಳ ವಿಶ್ವಾಸವನ್ನು ಗಳಿಸುವಿರಿ.

ತುಲಾ: ಮಕ್ಕಳ ವಿದ್ಯೆಯಲ್ಲಿ ಉತ್ತಮ ಯಶಸ್ಸು ಕಂಡು ಬರುವುದು. ಯಾವ ರಂಗದಲ್ಲೂ ಹಣ ಹೂಡಿಕೆ ಈಗ ಬೇಡ. ವ್ಯಾಪಾರ, ವ್ಯವಹಾರದಲ್ಲಿ ಸ್ಪರ್ಧಾತ್ಮಕ ಮನೋಭಾವವು ಕಂಡುಬರುವುದು. ಮನಸ್ಸಿಗೆ ಅಸಮಾಧಾನವಾದೀತು.

ವೃಶ್ಚಿಕ: ಆದಾಯವನ್ನು ಮೀರಿ ಖರ್ಚುವೆಚ್ಚಗಳು ಕಂಡು ಬರಲಿದೆ. ಹಾಗಾಗಿ ಆದಷ್ಟು ಜಾಗ್ರತೆ ಮಾಡಿರಿ. ಗೃಹಿಣಿಗೆ ಸಂಭ್ರಮದ ಸಮಯವಿದು. ವಿಲಾಸೀ ವಸ್ತುಗಳ ಖರೀದಿಯು ಖರ್ಚಿಗೆ ಮಾರ್ಗವಾದೀತು. ಹಲವು ಅಡೆತಡೆ ಎದುರಾಗಲಿದೆ.

ಧನು: ಬೆಳ್ಳಿ, ಚಿನ್ನ ವಸ್ತುಗಳ ಖರೀದಿಯಿಂದ ಮನೆಯಲ್ಲಿ ಸಂಭ್ರಮವಿದ್ದೀತು. ಅವಿವಾಹಿತರಿಗೆ ನೂತನ ಸಂಬಂಧದ ಬಗ್ಗೆ ಮಾತುಕತೆಗಳು ನಡೆಯಲಿವೆ. ಹಿರಿಯರ ಆಶೀರ್ವಾದವು ಸದಾಕಾಲ ನಿಮ್ಮೊಂದಿಗಿರುತ್ತದೆ. ಶುಭವಾರ್ತೆ.

ಮಕರ: ಆರೋಗ್ಯದ ಕೊರತೆಯು ಆಗಾಗ ಕಾಣಿಸಿಕೊಂಡರೂ ಸಾವರಿಸಿಕೊಂಡು ಹೋಗಬಹುದು. ಪುರೋಹಿತ, ಅರ್ಚಕ ವರ್ಗದವರಿಗೆ ದೈವ, ದೇವತಾ, ವೈದಿಕ ವೃತ್ತಿಯವರಿಗೆ ವಿಶೇಷ ಆದಾಯ ತಂದುಕೊಡುವುದು.

ಕುಂಭ: ಬಿಡುವಿಲ್ಲದ ಕಾರ್ಯ ಒತ್ತಡದಿಂದ ಆರೋಗ್ಯ ಹಾನಿಯಾದೀತು. ಸಾಂಸಾರಿಕ ಸಮಸ್ಯೆ ಗಳು ಆಗಾಗ ತಲೆ ಕೆಡಿಸಲಿದೆ. ನೂತನ ವೃತ್ತಿ ಯಾ ಉದ್ಯೋಗ ಲಾಭವು ಕಂಡುಬರಲಿದೆ. ಆರ್ಥಿಕವಾಗಿ ಖರ್ಚುಗಳು ಹೆಚ್ಚಾದೀತು.

ಮೀನ: ಪಾಲು ಬಂಡವಾಳದಲ್ಲಿ ಮೋಸಕ್ಕೆ ಈಡಾಗುವಿರಿ. ಜಾಗ್ರತೆ ಇರಲಿ. ದೈಹಿಕವಾಗಿ ಆರೋಗ್ಯದಲ್ಲಿ ಕೊರತೆಯು ಕಾಣಿಸಬಹುದು. ವ್ಯಾಪಾರ, ವ್ಯವಹಾರಗಳಲ್ಲಿ ಸಾಲ ವಾಪಾಸಾತಿಯಿಂದ ಸಮಾಧಾನವಾಗಲಿದೆ. ಆರೋಗ್ಯ ಉತ್ತಮ.

ಎನ್.ಎಸ್. ಭಟ್‌