ಜ್ಞಾನವಾಪಿ ಅರ್ಜಿದಾರರಿಗೆ ಬೆದರಿಕೆ

ವಾರಾಣಸಿ: ವಾರಾಣಸಿಯಲ್ಲಿ ಇರುವ ಜ್ಞಾನವಾಪಿ ಮಸೀದಿ ಪ್ರಕರಣದ ಅರ್ಜಿದಾರರಲ್ಲಿ ಒಬ್ಬರಾಗಿರುವ ಮಹಿಳೆಯ ಪತಿಗೆ ಕೇಸು ವಾಪಸ್‌ ಪಡೆಯಬೇಕು. ಇಲ್ಲದೇ ಇದ್ದರೆ ರಾಜಸ್ಥಾನದ ಟೈಲರ್‌ ಕನ್ಹಯ್ಯ ಲಾಲ್‌ನ ಸ್ಥಿತಿ ಬರಬಹುದು ಎಂಬ ಬೆದರಿಕೆ ಕರೆ ಬಂದಿದೆ.

ಪಾಕಿಸ್ತಾನದ ಪೋನ್‌ ನಂಬರ್‌ನಿಂದ ಈ ಕರೆ ಬಂದಿದೆ ಎಂದು ಸೋಹನ್‌ ಲಾಲ್‌ ಆರ್ಯ ಎಂಬವರು ಆರೋಪಿಸಿದ್ದಾರೆ. ಜು.19 ಮತ್ತು ಜು.20ರಂದು ಈ ಕರೆಗಳು ಬಂದಿದ್ದವು ಎಂದಿದ್ದಾರೆ.

ಈ ವಿಚಾರಕ್ಕೆ ಸಂಬಂಧಿಸಿದಂತೆ ಕೇಸು ದಾಖಲಿಸಿಕೊಳ್ಳಲಾಗಿದೆ ಎಂದು ವಾರಾಣಸಿಯ ಲಾಕ್ಸಾ ಠಾಣೆಯ ಪೊಲೀಸರು ತಿಳಿಸಿದ್ದಾರೆ ಮತ್ತು ಅವರ ನಿವಾಸದ ಮುಂದೆ ಇಬ್ಬರು ಪೊಲೀಸರನ್ನು ಭದ್ರತೆಗಾಗಿ ನಿಯೋಜಿಸಲಾಗಿದೆ.