Diamond Frame; ಇ-ಬೈಕ್‌ ಅನ್ನು ಮಡಚಿಟ್ಟುಕೊಳ್ಳಬಹುದು!

ಇಂಡಿಯನ್‌ ಇನ್ಸ್‌ಸ್ಟಿಟ್ಯೂಟ್‌ ಆಫ್ ಟೆಕ್ನಾಲಜಿ(ಐಐಟಿ) ಬಾಂಬೆಯ ವಿದ್ಯಾರ್ಥಿಗಳ ತಂಡವೊಂದು ಯಶಸ್ವಿಯಾಗಿ ಜಗತ್ತಿನ ಮೊದಲ ಮಡಚಬಹುದಾದ ಡೈಮಂಡ್‌ ಫ್ರೇಮ್ ಇ-ಬೈಕ್‌ ಅನ್ನು ಅಭಿವೃದ್ಧಿಪಡಿಸಿದೆ.

ಈ ಸ್ಟಾರ್ಟ್‌ಅಪ್‌ಗೆ ಮಹೀಂದ್ರಾ ಗ್ರೂಪ್‌ ಹೂಡಿಕೆ ಮಾಡಿದೆ. ಸ್ವತಃ ಮಹೀಂದ್ರಾ ಗ್ರೂಪ್‌ ಅಧ್ಯಕ್ಷ ಆನಂದ್‌ ಮಹೀಂದ್ರಾ ಅವರು ತಮ್ಮ ಕಚೇರಿಯ ಆವರಣದಲ್ಲಿ “ಹಾರ್ನ್ ಬ್ಯಾಕ್ ಎಕ್ಸ್‌1′ ಇ-ಬೈಕ್‌ ಅನ್ನು ಚಾಲನೆ ಮಾಡಿದ್ದು, ಈ ಕುರಿತ ಟ್ರಯಲ್‌ ವಿಡಿಯೋವನ್ನು ಅವರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಈ ವಿಡಿಯೋ ವೈರಲ್‌ ಆಗಿದೆ. “ಇತರೆ ಮಡಚಬಹುದಾದ ಇ-ಬೈಕ್‌ಗಳಿಗಿಂತಲೂ “ಹಾರ್ನ್ ಬ್ಯಾಕ್ ಎಕ್ಸ್‌1′ ಶೇ.35ರಷ್ಟು ಹೆಚ್ಚು ಕಾರ್ಯಕ್ಷಮತೆ ಹೊಂದಿದೆ. ಅಲ್ಲದೇ ಮಡಚಿದ ನಂತರ ಇದನ್ನು ಕೈಯಲ್ಲಿ ಎತ್ತಿಕೊಂಡು ಹೋಗುವ ಗೋಜಿಲ್ಲ. ಬದಲಾಗಿ ಸುಲಭವಾಗಿ ಇದನ್ನು ತಳ್ಳಿಕೊಂಡು ಹೋಗಬಹುದು’ ಎಂದು ಆನಂದ್‌ ಮಹೀಂದ್ರಾ ಟ್ವೀಟ್‌(ಎಕ್ಸ್‌) ಮಾಡಿದ್ದಾರೆ.