Thirupathi: ದೇಗುಲದಲ್ಲಿ ಇನ್ನು ದ್ವೇಷಪೂರಿತ ಹೇಳಿಕೆ ನೀಡುವಂತಿಲ್ಲ: ಟಿಟಿಡಿ

ಅಮರಾವತಿ: ತಿರುಪತಿ ದೇಗುಲದಲ್ಲಿ ರಾಜಕೀಯ ಹಾಗೂ ದ್ವೇಷಪೂರಿತ ಹೇಳಿಕೆಗಳನ್ನು ನೀಡುವುದನ್ನು ಟಿಟಿಡಿ ಟ್ರಸ್ಟ್‌ ನಿರ್ಬಂಧಿಸಿದೆ. ಶನಿವಾರ ಈ ಬಗ್ಗೆ ಪ್ರಕಟನೆ ಹೊರಡಿಸಿ, ಇನ್ನು ಮುಂದೆ ದೇಗುಲದಲ್ಲಿ ಯಾರೇ ಇಂಥ ಕೃತ್ಯ ಎಸಗಿದರೂ ಅವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಘೋಷಿಸಿದೆ.

ಟಿಟಿಡಿ ಅಧ್ಯಕ್ಷ ಬಿ.ಆರ್‌. ನಾಯ್ಡು ಈ ಬಗ್ಗೆ ಮಾಹಿತಿ ನೀಡಿದ್ದು, ಕೆಲವು ರಾಜಕಾರಣಿಗಳು ತಿರುಮಲ ದೇಗುಲದ ದರ್ಶನ ಪಡೆದು ಬಳಿಕ ದೇವಾಲ ಯದ ಗೇಟ್‌ ಬಳಿಯೇ ನಿಂತು ರಾಜಕೀಯ ಸಂಬಂಧಿಸಿದ, ದ್ವೇಷದ ಹೇಳಿಕೆಗಳನ್ನು ಮಾಧ್ಯಮಗಳೆದುರು ನೀಡಿದ್ದಾರೆ. ಇದರಿಂದ ದೇವಾಲಯದ ಪಾವಿತ್ರ್ಯತೆಗೆ ಧಕ್ಕೆಯಾಗುತ್ತದೆ. ಇಲ್ಲಿ ದೇವರ ನಾಮ ಸ್ಮರಣೆ ಮಾತ್ರ ಮೊಳಗಬೇಕು. ಹಾಗಾಗಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದಿದ್ದಾರೆ.